Êxodo 13

Mwanya gwa Migate I’zyo Zikatumba

1 Gu’ku' Mulungu wamuwi’laga Mose ati', 2 "Munsondohezye ki’la muv’yalwa wa mbele wa ki’gosya. Ki’la muv’yalwa wa mbele wa V’aizilaeli na ki’la ki’v’yalwa cha mbele cha ndimu vili' vyanne."

3 Haho Mose wav’awi’laga v’antu' ati', "Mulwizu’ki’le lu’siku' lwenu’lu' u’lo mwafumaga mu nsi' ya Misili, u’mo mwav’age v’asese. Lwenu’lu' hu' lu’siku' u’lo Gu’ku' Mulungu ndi' wamufumya mwenu’mu ku' nguzu zya mukono gwakwe. Mugati' na lu’siku' lwenu’lu', ku’du' mwize mulye mugate u’go gu’li' na itumbyo. 4 Lu’siku' lwenu’lu', mwezi gwa kwandya gwa Abibu, muku’wu’ka mu nsi' ya Misili. 5 Yi’ku’v’a aho Gu’ku' Mulungu alamufikye ku' nsi' ya V’akanaani, V’ahiti, V’aamoli, V’ahivi na V’ayebusi, nsi' i’yo walahi’la ku' v’agu’ku' v’inywe ku’v’a alav’ape, nsi' ya lu’tongo i’yo yi’li’keneneka mav’eele na wu’ki', yi’lamudime ku’lu’v’ezezya mwizu' lu’siku' lu’hanya lwenu’lu' mugati' na mwezi gwenu’gu'. 6 Ku' itungo lya nsiku' mupungati' mulav’e muli’lya migate i’zyo zikatumba, na lu’siku' lwa mupungati' gu’lav’e mwanya gwa ku’muku’zya Gu’ku' Mulungu. 7 Ku' itungo lyeni’lo lya nsiku' mupungati', mulav’e muli’lya migate i’zyo zikatumba. Ku’du' kize kigele ki’ntu' ninga ki’mo i’cho ki’li' na itumbyo, ninga ki’la itumbyo ku’du' lize ligele ku' winywe, ninga mugati' na nsi' yinywe yose. 8 Lu’siku' lwenu’lo mulav’awi’le v’ana v’inywe ati', ‘ku’li’v’ezya vyeni’vi ku’nguno ya igambo i’lo Gu’ku' Mulungu ndi' waku’v’ezezya aho kwav’age ku’li’wu’ka ku' nsi' ya Misili.’ 9 Mwanya gwenu’go gu’lav’e hu' mwizu' ki’ti' lu’manyi’lo u’lo lu’tungilwe ku' makono ginywe na ku' wu’syu' winywe, ki’gele nzi’la ya nhana yamwa Gu’ku' Mulungu yi’v’e mu milomo zinywe. Ku’nguno Gu’ku' Mulungu hu' mwene wamufumizye ku' nsi' ya Misili ku' nguzu zya mukono gwakwe. 10 Yi’li’mudima muyi’dime nhama yeni’yi' ku' ki’la mwaka ku' itungo lyalyo."

Ku’v’asondohya v’av’yalwa v’a mbele

11 Mose wendeleyaga ku’v’awi’la v’antu' ati', "Yi’lav’e aho Gu’ku' Mulungu alav’e wamufikya ku' nsi' ya Kanaani na ku’mupa inywe nsi' yeni’yo, ki’ti' i’vyo walahi’la ku' winywe na ku' v’agu’ku' v’inywe, 12 yi’li’mudima ku’mufumi’zya Gu’ku' Mulungu ki’la muv’yalwa wa mbele wa ki’gosya. Hangi' ki’la ki’v’yalwa cha mbele cha ki’gosya cha mitugo zinywe ki’lav’e chamwa Gu’ku' Mulungu. 13 Sumbwa ki’v’yalwa cha mbele cha mpunda mulaki’komole ku' ku’mufumi’zya Gu’ku' Mulungu kadi’lana, ali’vi u’lu' mukaanile ku’ki’komola, mulaki’wu’lage lwa ku’ki’vuna nhingo yacho. Hangi' ki’la muv’yalwa wa mbele wa ki’gosya wa muntu' mulamukomole ku' ku’fumya kadi’lana. 14 Hangi' yi’lav’e mu nsiku' zya mbele, u’lu' v’ana v’inywe v’iza v’awu’zya ati', ‘Yeni’yi' yi’li' na nguno ki'?’ U’lav’awi’le ati', ‘Ku' mukono gwakwe gwa nguzu, Gu’ku' Mulungu waku’fumya ku' nsi' ya Misili, u’ko kwav’age v’asese. 15 Yav’age aho Falao ndi' wiv’ezya ku’v’a na moyo mulambu ku’ku’zumi’zya ku’wu’ke, hohene Gu’ku' Mulungu ndi' wav’awu’laga ki’la muv’yalwa wa mbele wa ki’gosya mu Misili, na ki’la ki’v’yalwa cha mbele cha ki’gosya cha mitugo. Yeni’yi' hu' nguno nu’fumya ki’taambo ku’mwa Gu’ku' Mulungu ki’la ki’v’yalwa cha mbele cha mitugo cha ki’gosya, ali’vi ki’la muv’yalwa wa mbele wa v’ana v’anne wa ki’gosya nu’mukomola.’ 16 Igambo lyeni’li' li’lav’e ki’ti' lu’manyi’lo u’lo lu’tungilwe ku' makono gako na ku' wu’syu' wako, ku’nguno Gu’ku' Mulungu hu' mwene waku’fumya ku' nsi' ya Misili, ku' nguzu zya mukono gwakwe."

Nhi’ngi' ya ilunde na moto

17 Itungo i’lo Falao wav’aleku’li’laga V’aizilaeli v’ayage, Mulungu akav’alondolile ku’v’i’ti’la ku' nsi' ya V’afilisiti, ninga i’vi nzi’la yeni’yo yav’age ngu’hi'. Mulungu ndi' wayomba ati', "V’antu' v’enav’a u’lu' v’apome na wu’lu’gu' v’akowolile ku’galu’zya ndaka na ku’su’v’a ku' Misili." 18 Hohene Mulungu wav’alondolaga V’aizilaeli ku' nzi’la ya ku’pilima ku’v’i’ti’la ku' ibalangu', ku’londa ku' Nyanza ya Shamu. V’aizilaeli aho v’ali’wu’ka ku' Misili ndi' v’awu’ka v’iv’angile ku' wu’lu’gu'.

19 Mose wagasolaga maguha gamwa Yosefu na ku’gayana, ki’gele v’akagazyi’ki’le u’ko v’ayile, ku’nguno Yosefu ndi' wav’alahi’li’zya v’ana v’amwa Izilaeli ati'. "Nhana Mulungu alamwizi’i’le na ku’mufumya mu nsi' yeni’yi', haho yi’lamudime ku’gasola maguha ganne ku’fuma hano."

20 Haho V’aizilaeli v’awu’kaga ku' Sukoti, na v’atu’u’laga nkambi' ku' lwandi' lwa Etamu, ku' lu’v’i’mbi' lwa ibalangu'. 21 Nawe Gu’ku' Mulungu wav’alondolaga mu itungo lya lyu’v’a ku' lu’manyi’lo lwa ilunde i’lo lyav’age ki’ti' nhi’ngi', na wu’ziku' wav’atongelelage ku' lu’manyi’lo lwa moto u’go gwav’age ki’ti' nhi’ngi' na ku’v’amu’li’ki’la, ki’gele v’akowole ku’yu’mba lyu’v’a na wu’ziku'. 22 I’lo ilunde li’li' ki’ti' nhi’ngi' ha itungo lya lyu’v’a, na u’go moto gu’li' ki’ti' nhi’ngi' ha itungo lya wu’ziku', ndi' zikahafumaga ha mbele na v’antu' v’enav’o.