Êxodo 31

V’afundi v’a ihema v’ali’wokaziwa loho ya wu’manyi

1 Gu’ku' Mulungu wamuwi’laga Mose ati', 2 "Lingaga, ene namusogolaga Bezaleli, mwana wamwa Uli, mwizu’ku’lu' wamwa Huli, wa igongo lya Yuda, 3 na ku’mokazya Loho ya Mulungu. Namupaga wu’tonto, wu’kowozi, masala, na wu’manyi wa ku’v’ezya ki’la muli’mo, 4 ki’gele iganike ki’v’ezezye cha mili’mo zya ku’sula mawe ga feza, zahabu na shaba, 5 ku’pu’nza mawe ga ku’tu’u’la mu vyokazyo, na ku’pu’nza magogo, zyose zyeni’zi ku’nguno ya mili’mo zyose zya wu’manyi. 6 Hangi' namusogolaga Oholiabu, mwana wamwa Ahisamaki, wa igongo lya Dani, atu’mame haki’mo nawe. Vyene vivyo nav’apaga wu’manyi v’afundi v’angi' ku’nguno ya mili’mo hekeheke, ki’gele v’av’ezye vintu' vyose i’vyo nalagi’li’zizye viv’eziwe: 7 Ihema lya Ku’sangi’zya, haki’mo na vilwani’lo vyalyo vyose, isandi’ko lya wu’sangi’lwa na nfundi' yalyo, 8 meza na vilwani’lo vyayo, ki’nala cha ku’tu’u’li’la tala cha zahabu nsoso na vilwani’lo vyacho, ihozezyo lya ku’zuki’zi’zya wu’bani, 9 ihozezyo lya ku’zigi’zya vitaambo na vilwani’lo vyalyo vyose, ikalaye haki’mo na kikali’lo chalyo, 10 haki’mo na vizwalo visondo i’vyo vifuumilwe visoga vya muhozya Aloni, na vizwalo vya v’ana v’akwe, av’o v’alav’ezye muli’mo gwa wu’hozya, 11 hangi' na maguta ga ku’v’ila na wu’bani wu’motu ku’nguno ya Hantu' Hasondo. Vintu' vyeni’vyo vyose viv’eziwe ku’gelani’la na i’vyo naku’lagi’li’zizye."

Lu’siku' lwa ku’suuha

12 Hangi' Gu’ku' Mulungu wamuwi’laga Mose ati', 13 "U’v’awi’le V’aizilaeli i’vi: Yi’li’mudima inywe mulu’dime lu’siku' lwa ki’suuho u’lo lu’li' Sabato yanne, yaani, ku’nguno lwenu’lo lu’lav’e hu' lu’manyi’lo mugati' yinywe nanne, ku' wu’v’yalwa winywe wose, ku’v’a ene hu' ni' Gu’ku' Mulungu u’yo nu’musondohya. 14 Mulalu’dime lu’siku' lwenu’lo lwa ki’suuho, ku’nguno lu’li' lu’sondo ku' winywe. Ki’la muntu' u’yo alalu’v’ezezye zoma lu’siku' lwenu’lo yi’lamudime ku’wu’lagwa. Muntu' u’yo alatu’mame muli’mo ninga gu’mo lu’siku' lwenu’lo alakomwe ku’le na v’antu' v’akwe. 15 Ku' itungo lya nsiku' mukaga mulav’e muli’tu’mama, ali’vi lu’siku' lwa mupungati' lu’li' lu’siku' lwa ku’suuha ku' winywe. Lu’li' Sabato nsondo ku’mwa Gu’ku' Mulungu. Muntu' u’yo alatu’mame lu’siku' lwenu’lo yi’lamudime ku’wu’lagwa. 16 Ku’nguno yeni’yo V’aizilaeli v’alalu’dime lu’siku' lwa ki’suuho na ku’londa nzi’la yayo ku' wu’v’yalwa wav’o wose, ku’v’a ilagano lya nhananhana. 17 Igambo lyeni’li' li’lav’e lu’manyi’lo lwa nhananhana hagati' yanne na V’aizilaeli, ku’nguno ku' nsiku' mukaga ene Gu’ku' Mulungu natundaga ilunde na li’welelo, na lu’siku' lwa mupungati' nkatu’mamile, nasuuhaga."

18 Yav’aga Gu’ku' Mulungu aho wamali’laga ku’yomba na Mose ku' lu’gu’lu' lwa Sinai, haho wamupaga Mose mav’ale av’i’li' ga mawe ga wu’sangi’lwa, ago gatonilwe ku' lyala lyamwa Gu’ku' Mulungu mweni’ki’li'.