Êxodo 27

Ihozezyo lya ku’zigi’zya vitaambo

1 Gu’ku' Mulungu wendeleyaga ku’muwi’la Mose ati', "U’lazyenge ihozezyo ku' mbawo zya muti' gwa mugu’nga. Ihozezyo lyeni’lo li’lav’e lya mugelani’lo, wu’lihu walyo na wu’gali’nhu walyo mita iv’i’li' na lobo, na wi’i’ma walyo mita yi’mo na lobo. 2 U’lali’v’ezye li’v’e lya mapembe ane mu mapembo galyo ane ki’gele gav’e ki’ntu' ki’mo na ihozezyo lyeni’ki’li'. Ihozezyo lyose u’lali’kumbi’le shaba. 3 U’lav’ezye vilwani’lo vyalyo vyose ku' shaba: mafuli’la ga ku’sini’zya matunde, mayolelo ga ku’kokotela ha ihozezyo, mabakuli, wuma zya ku’timi’la nyama na sahani zya ku’lapu’li’la moto. 4 Hangi' u’lav’ezye wavu wa shaba u’wo wu’li' na pete ine zya shaba, ku' ki’la ipembo pete yi’mo. 5 Wavu wenu’wo u’lawu’tu’u’le ha nsi’li’li' na leli ya ihozezyo, ki’gele wu’fike hagati' ya ihozezyo. 6 U’lav’ezye miti' zya mugu’nga zya ku’li’sombela ihozezyo na ku’zikumbi’la shaba. 7 Miti' zyeni’zyo zilaswekwe mu i’zyo pete zya mu mbazu zya lyeni’lo ihozezyo aho li’li’sombwa. 8 U’lav’ezye ihozezyo li’v’e na nkululi mugati' ku' ku’tu’mi’la mbawo. U’lali’v’ezye ki’ti' i’vyo walagi’lilwe ku' lu’gu’lu'."

Lu’gu’tu' lwa Ihema Isondo

9 Gu’ku' Mulungu wendeleyaga ku’yomba ati', "U’lav’ezye lu’gu’tu' ku’nguno ya Ihema Isondo. Lwandi' lwa ku' dakama ku’lav’e na miki’ngo i’zyo zilav’eziwe ku' katani nsoga i’yo yi’pelegilwe. Miki’ngo zyeni’zyo zilav’e na wu’lihu wa mita maku’mi ane na ine, 10 haki’mo na nhi’ngi' maku’mi av’i’li' na vikali’lo vya shaba maku’mi av’i’li'. Nkontozyo zya nhi’ngi' zyeni’zyo haki’mo na pete zya ku’zwi’ka nhi’ngi' zilav’e zya mawe ga feza. 11 Vyene vivyo na lwandi' lwa ku' sukuma, wu’lihu wa miki’ngo wu’lav’e mita maku’mi ane na ine, na nhi’ngi' zyazyo maku’mi av’i’li' na vikali’lo vyazyo maku’mi av’i’li' vya shaba. Hangi' nkontozyo zya nhi’ngi' na pete zya ku’zwi’ka nhi’ngi' zilav’e zya mawe ga feza. 12 Lwandi' lwa ku' mweli lu’lav’e na miki’ngo zya wu’lihu wa mita maku’mi av’i’li' na iv’i’li', na nhi’ngi' zyazyo iku’mi na vikali’lo vyazyo iku’mi. 13 Lwandi' lwa ku' ki’ya, u’ko ku’li' na wingi’li’lo, lu’gu’tu' lu’lav’e na wu’gali’nhu wa mita maku’mi av’i’li' na iv’i’li'. 14 Miki’ngo zya ku' lwandi' lu’mo lwa wingi’li’lo zilav’e na wu’lihu wa mita mukaga na nusu, haki’mo na nhi’ngi' idatu' na vikali’lo vyazyo vidatu'. 15 Vyene vivyo ku' lwandi' lwa wu’v’i’li', miki’ngo zilav’e na wu’lihu wa mita mukaga na nusu, haki’mo na nhi’ngi' idatu' na vikali’lo vyazyo vidatu'. 16 Wingi’li’lo weni’ki’li' wa lu’gu’tu' wu’lav’e na muki’ngo gwa wu’lihu wa mita kenda, u’go gu’v’eziv’ilwe ku' wu’zi wa langi ya bululu, zambalawo na yazaa, na katani nsoga i’yo yi’pelegilwe, na ku’pu’ndwa visoga. Muki’ngo gwenu’go gu’leneniwe ku' nhi’ngi' ine i’zyo zili' na vikali’lo vine. 17 Nhi’ngi' zyose zya lu’gu’tu' zilazwi’kwe pete zya mawe ga feza, na nkontozyo zyazyo zilav’eziwe ku' mawe ga feza. Sumbwa vikali’lo vyazyo vilav’e vya shaba. 18 Lu’gu’tu' lwenu’lo lu’lav’e na wu’lihu wa mita maku’mi ane na ine, wu’gali’nhu mita maku’mi av’i’li' na iv’i’li', na wi’i’ma walo mita iv’i’li' na lobo. Miki’ngo zyalo zilav’e zya katani nsoga i’yo yi’pelegilwe na vikali’lo vya shaba. 19 Vilwani’lo vyose vya Ihema Isondo vya ku’tu’mi’la ki’la muli’mo, haki’mo na mmambo zyalyo zyose na i’zyo zya lu’gu’tu' zilav’e zya shaba.

Maguta ku’nguno ya tala

20 "Nanho u’lafumye ilagi’li’zyo ku' V’aizilaeli v’aku’letele maguta masoga ga muzeituni ku’nguno ya tala, ki’gele ku’v’eho na tala i’yo yi’li’v’aka nsiku' zyose. 21 Mugati' na Ihema lyene li’lo lya Ku’sangi’zya, ha ibala na muki’ngo, u’go gu’li' ha mbele ya isandi’ko lya wu’sangi’lwa, Aloni haki’mo na v’ana v’akwe v’a ki’gosya v’alav’e v’ali’yi’su’nga tala ha mbele yanne ku’fuma mpi’ndi' mpaka ndiyu'. Yeni’yi' yi’ku’v’a nhama ya nhananhana ku' V’aizilaeli v’ose na wu’v’yalwa wav’o u’wo wu’lalonde."