1 Gu'ku' Mulungu wamuwi'laga Mose ati', "Lingaga, naku'v'ezyaga u'v'e ki'ti' Mulungu ku'mwa Falao, na mwenu'yo muku'lu'yo Aloni aku'v'a mufumbu'zi wako. 2 U'layombe gose ago ndav'e nu'ku'lagi'li'zya, nawe Aloni, muku'lu'yo, alamuwi'le Falao av'aleku'li'le V'aizilaeli v'afume mu nsi' yakwe. 3 Ali'vi ndagu'v'ezye moyo gwamwa Falao ku'v'a mulambu, ninga i'vi ndav'ezye lu'manyi'lo na migaka ziv'e mingi mu nsi' ya Misili. 4 Ali'vi Falao akasye amudegeleke inywe, nanne ndawu'sye mukono gwanne gwa nguzu na ku'yi'pa lu'duko lu'hanya nsi' ya Misili. Ndav'afumye v'antu' v'anne ku' madale gav'o, v'afume mu nsi' ya Misili. 5 Itungo aho ndagu'wu'sye mukono gwanne ku' nsi' ya Misili, na ku'v'afumya V'aizilaeli mugati' yav'o, haho V'amisili v'alamanye ku'v'a ene hu' ni' Gu'ku' Mulungu." 6 Mose na Aloni v'av'ezyaga vyene vivyo ki'ti' i'vyo Gu'ku' Mulungu walagi'li'zyaga. 7 Mwenu'yo Mose wasangwa ali' na musimo gwa myaka maku'mi munane, na Aloni wav'age na myaka maku'mi munane na idatu', aho v'ayombaga na Falao.

8 Gu'ku' Mulungu wav'awi'laga Mose na Aloni, 9 "U'lu' Falao wamuwi'la ati', ‘V'ezi mugaka,’ hohene u'muwi'le Aloni, ‘Sola mulanga gwako u'gu'tagi'le ha nsi' ha mbele yamwa Falao,’ nago mulanga gu'ku'v'a nzoka." 10 Haho Mose na Aloni v'ayaga ku'mwa Falao, v'av'ezyaga ki'ti' i'vyo Gu'ku' Mulungu walagi'li'zyaga. Aloni wagu'tagi'laga mulanga ha nsi' ha mbele yamwa Falao haki'mo na v'akumba v'akwe, nago mulanga gwagalu'kaga ku'v'a nzoka. 11 Ali'vi Falao nawe wav'itanaga v'alogi na v'afumu, na v'amanyi v'enav'a v'a Ki'misili nav'o v'av'ezyaga vyene vivyo ku' mbisi'i'la ya wu'manyi wav'o. 12 Ki'la yu'mo wagu'tagi'laga mulanga gwakwe ha nsi', nago gwagalu'kaga ku'v'a nzoka. Ali'vi mulanga gwamwa Aloni gwazimilaga milanga zyav'o. 13 Ali'vi moyo gwamwa Falao gwav'aga mulambu. Akav'adegelekile Mose na Aloni, ki'ti' i'vyo Gu'ku' Mulungu wayombile.

14 Hangi' Gu'ku' Mulungu wamuwi'laga Mose ati', "Moyo gwamwa Falao mulambu. Ali'kaana ku'v'aleku'li'la V'aizilaeli v'awu'ke. 15 Hohene, igolo ndiyu' u'ye ku'mwa Falao, itungo i'lo alav'e ayile ku' mongo gwa Naili. U'kamulindi'le ha ngiligili ya mongo, ki'gele mwiwone nawe. U'sole mulanga mu makono gako u'go ndi' gwagalu'ka ku'v'a nzoka. 16 Hangi' u'muwi'le, ‘Gu'ku' Mulungu, Mulungu wa V'aebulania, wantu'maga nize nku'wi'le i'vi: "V'aleku'li'le v'antu' v'anne v'aye, ki'gele v'akanyisenge ku' ibalangu'. Lingaga, ali'vi mpaka gi'si' u'kav'ile ku'ndegeleka." 17 Hohene Gu'ku' Mulungu ali'yomba ku' igambo lyeni'li' u'ku'mumanya ku'v'a mweni'ki'li' ali' nde: Lingaga, ene nku'gagu'ma minzi' genaga ga Naili na mulanga u'gu' ni'nago mu makono ganne, nago gaku'galu'ka ku'v'a magazi. 18 Nsonvi i'zyo zili'mo mu mongo gwenu'go gwa Naili ziku'fwa, na minzi' ga mongo gaku'nunha muno, na V'amisili v'alapotwe ku'ganywa.’ "

19 Hangi' Gu'ku' Mulungu wamuwi'laga Mose ati', "Muwi'le Aloni, ‘Sola mulanga gwako, u'golole mukono gwako u'gu'sunge ha igu'lya na minzi' ga Misili, ha igu'lya na myongo, tu'syelele twa minzi', matav'a na malambo gose,’ nago gaku'galu'ka gav'e magazi. Magazi galav'e hose mu Misili, ninga mu viseme vya miti' na vya mawe."

20 Mose na Aloni v'av'ezyaga ki'ti' i'vyo Gu'ku' Mulungu wav'alagi'li'zyaga. Aloni wagu'wu'syaga mulanga ha mbele ya minso gamwa Falao, haki'mo na v'akumba v'akwe. Wagagu'maga minzi' ga mongo gwa Naili, na minzi' gose gagalu'kaga ku'v'a magazi. 21 Nsonvi zya mu mongo zyafwaga, nago mongo gwanunhaga muno. V'amisili v'apotagwa ku'ganywa minzi' genago. Magazi gakwi'laga hose mu nsi' ya Misili. 22 Ali'vi v'afumu v'a Misili, ku' mbisi'i'la ya wu'fumu wav'o, nav'o v'av'ezyaga vyene vivyo, nago moyo gwamwa Falao gwav'aga mulambu. Akav'adegelekile Mose na Aloni, ki'ti' i'vyo Gu'ku' Mulungu ndi' wayombaga. 23 Hohene, Falao wasu'v'aga mu nnumba yakwe, na igambo lyeni'lo akali'tu'u'lile mu moyo. 24 V'amisili v'ose v'asi'mbangaga mu ngiligili ya mongo gwa Naili, ki'gele v'apandi'ke minzi' ga ku'nywa, ku'nguno ndi' v'apotwa ku'ganywa minzi' ga mu mongo.

25 Zyav'i'taga nsiku' mupungati' ku'fuma aho Gu'ku' Mulungu wagu'gu'maga mongo gwa Naili.