1 V'antu' aho ndi' v'awona ku'v'a Mose wakendela ku'su'v'a ku'fuma ku' lu'gu'lu', hohene v'ikumingaga ha mbele yamwa Aloni na ku'muwi'la ati', "Haya! Ku'v'ezezye mulungu u'go gu'ku'ku'londola. Ku'nguno mwenu'yo Mose u'yo waku'fumizye ku' nsi' ya Misili, ku'kamanya igambo i'lo lyamupandi'kile." 2 Aloni wasu'v'yaga ati', "Muzule vipini vya zahabu mu matwi i'vyo v'azwalile v'aki' v'inywe na v'ana v'inywe v'a ki'gosya na v'a ki'ki'ma, mundetele." 3 Hohene, v'antu' v'ose v'avisiniaga vipini vyose vya zahabu mu matwi gav'o, na ku'muletela Aloni. 4 Nawe wavisolaga, wavisulaga, na wav'ezyaga ki'mbulimbuli cha wikole na ndama ngosya ku' ku'fyatu'la mu ki'seme. Nav'o v'aliiniaga mizwi zyav'o na ku'yomba ati', "Ev'e Izilaeli, u'yu' hu' mulungu winywe, u'yo wamufumizye ku' nsi' ya Misili."Ki'mbulimbuli cha ndama cha zahabu

5 Hangi' Aloni wazyengaga ihozezyo ha mbele na ki'mbulimbuli cha ndama na ku'tangazya: "Igolo ku'lav'e na mwanya ku'nguno yamwa Gu'ku' Mulungu." 6 Wangalu'ke v'antu' v'ipunaga ndiyu', v'afumyaga vitaambo vya ku'zigya na vitaambo vya kwiswanania. V'antu' v'ikalaga ha nsi', v'alyaga na ku'nywa, hangi' v'i'maga na ku'v'ezya mwanya ku' lu'soko. 7 Haho Gu'ku' Mulungu wamuwi'laga Mose, "Sooka wangu', ku'nguno v'antu' v'ako av'o wav'afumizye ku' nsi' ya Misili, v'av'ezyaga mav'i. 8 V'angu'haga muno ku'yi'leka nzi'la i'yo nafumizye ilagi'li'zyo v'ayi'londe. V'iv'ezezyaga ki'mbulimbuli cha ndama ngosya ya ku'fyatu'la mu ki'seme, nav'o v'akisengaga na v'aki'fumi'zyaga vitaambo na ku'yomba ati', ‘Ev'e Izilaeli, u'yu' hu' mulungu winywe, u'yo wamufumizye ku' nsi' ya Misili!’ " 9 Hangi' Gu'ku' Mulungu wamuwi'laga Mose ati', "Nawonaga v'antu' v'enav'a v'ali' na myoyo milambu. 10 Gi'si' ndeke ki'gele ki'sila channe ki'panki'le ku' wav'o, nanne mbazimangu'zye. Ali'vi ev'e nku'ku'v'ezya ku'v'a nsi' nhanya."

11 Ali'vi Mose wamwikongaga Gu'ku' Mulungu, Mulungu wakwe, na ku'yomba, "Ev'e Gu'ku' Mulungu, ku' ki' ki'sila chako ki'panki'le vidaki ku' v'antu' v'ako, av'o wav'afumizye ku' nsi' ya Misili ku' wu'kowozi wu'hanya na mukono gwa nguzu? 12 U'lu' u'v'ezye vyeni'vyo, nhana V'amisili v'aku'yomba ati', ‘Wav'afumizye ku' ndaka mbi ki'gele akav'awu'lagi'le ku' ngu'lu' na ku'v'azimangu'zya mu welelo.’ Ev'e Gu'ku' Mulungu, tunia ki'sila chako ki'daki, na u'li'leke igambo lyeni'li' i'lo walomaga ku'li'v'ezya ku' v'antu' v'ako. 13 U'v'izu'ki'le v'akumba v'ako, Abalahamu, Isaka na Izilaeli, av'o walahi'la ku' moyo gwako mweni'ki'li', na ku'yomba, ‘Ndawingi'hye wu'v'yalwa winywe ki'ti' nsonda zya mu ilunde, na nsi' yeni'yi' i'yo nu'mulagana ndawu'pe wu'v'yalwa winywe wu'yi'saale nhananhana.’ " 14 Hohene, Gu'ku' Mulungu walekaga ku'v'av'ezezya v'antu' v'akwe igambo iv'i i'lo ndi' wayombaga. 15 Hangi' Mose wasookaga ku'fuma ku' lu'gu'lu' na ago mav'ale av'i'li' ga mawe ga wu'sangi'lwa mu makono gakwe. Gav'age gatonilwe ku' ki'la lwandi', ku' mbele na ku' nnuma. 16 Mav'ale genago ndi' muli'mo gwakwe Mulungu mweni'ki'li' na wu'tone wenu'wo ndi' watona Mulungu mweni'ki'li'. 17 Yoswa aho wigwa ibu'bu' lya v'antu', wamuwi'laga Mose, "Ku'li' na ibu'bu' lya wu'lu'gu' ku' nkambi'." 18 Ali'vi Mose wasu'v'yaga ati', "Li'kav'ile ibu'bu' lya ku'kinda ninga lya ku'kindwa, sumbwa li'li' ibu'bu' lya v'antu' av'o v'ali'wi'mba." 19 Mose aho wegelaga ha nkambi' na ku'yi'wona yeni'yo ndama na v'antu' v'ali'negu'la, ki'sila chakwe chapanki'laga, nawe wagatami'zyaga mawe ago gali' mu makono gakwe na ku'gav'elagu'la mav'ale mav'ale henanho ha nsi'li'li' na lu'gu'lu'.Mose ali'v'elagu'la mawe ga nhama 20 Hohene wayi'solaga yeni'yo ndama na ku'yi'tima mu moto, wayi'syaga mpaka yav'aga wu'fuma, na wawu'seselaga wu'fuma wenu'wo mu minzi' na ku'v'asingi'li'zya V'aizilaeli v'anywe.

21 Mose wamuwu'zyaga Aloni, "V'aku'v'ezezyaga ki' v'antu' v'enav'a mpaka ku'v'ingi'zya mu wu'kenagu'zi wu'hanya vyeni'vyo?" 22 Aloni wasu'v'yaga, "Nu'ku'lomba, ev'e gu'ku' wanne, ki'sila chako ku'du' ki'panki'le ku' wanne. U'v'amanyile v'antu' v'enav'a i'vyo v'ali' v'abu'hu ku'v'ezya wu'kenagu'zi. 23 V'eni'ki'li' v'ambwi'lile ati', ‘Ku'v'ezezye mulungu u'go gu'ku'ku'londola, ku'nguno mwenu'yo Mose u'yo waku'fumizye ku' nsi' ya Misili, ku'kamanya igambo i'lo lyamupandi'kile’. 24 Haho nav'awi'laga, ‘Ki'la yu'mo u'yo azwalile ki'ntu' cha zahabu aki'zule.’ Hohene v'aviletaga, nanne navitagi'laga mu moto, haho yafumi'i'laga ndama yeni'yi'!" 25 Mose aho ndi' wawona ku'v'a v'antu' v'enav'a v'akatala na ku'v'ezya ki'ti' i'vyo v'atogilwe, ku'nguno Aloni wakav'alekani'zya v'atale na kwiletela nsoni ku' v'anisi v'av'o, 26 Haho Mose wi'maga ha wingi'li'lo wa nkambi' na ku'yomba, "Muntu' u'yo ali' ku' lwandi' lwamwa Gu'ku' Mulungu, ize ku' lwandi' lwanne." V'alawi v'ose v'ikumingaga haki'mo ha mbele yakwe. 27 Nawe wav'awi'laga ati', "Gu'ku' Mulungu, Mulungu wa Izilaeli, ali'yomba i'vi: ‘Ki'la muntu' itunge lu'panga lwakwe mu muki'mbi'li', av'i'te ku'fuma wingi'li'lo wu'mo wa nkambi' mpaka wa wu'v'i'li' na ku'su'v'a, na ki'la yu'mo amuwu'lage mudu'gu'ye, munwaniye na muzenganwa wakwe.’ " 28 Haho V'alawi v'av'ezyaga ki'ti' i'vyo Mose walagi'li'zyaga. Lu'siku' lwenu'lo ndi' v'awu'lagwa v'antu' ki'ti' vihu'mbi' vidatu'. 29 Hangi' Mose wayombaga ati', "Walelo mwasimi'kagwa ku'mwa Gu'ku' Mulungu, ku'nguno mukisisikile ku'v'awu'laga v'ana v'inywe ninga v'adu'gu' v'inywe. Mulungu wamudosyaga lu'v'ango walelo yeni'yi'."

30 Wangalu'ke Mose wav'awi'laga v'antu', "Mwav'ezizye wu'kenagu'zi wu'hanya! Gi'si' nu'ya ku' igu'lya ku' lu'gu'lu', ku'mwa Gu'ku' Mulungu. Hamo nku'kowola ku'v'ezya wu'swanano ku'nguno ya wu'kenagu'zi winywe." 31 Haho Mose wasu'v'aga ku'mwa Gu'ku' Mulungu na ku'muwi'la ati', "Nu'saya! V'antu' v'enav'a v'av'ezyaga wu'kenagu'zi wu'hanya. V'iv'ezezyaga mulungu gwa zahabu. 32 Ali'vi gi'si', nu'ku'lomba u'v'atondole wu'kenagu'zi wav'o. Mbe u'kav'atondolile, nu'kwikonga u'fute lina lyanne ku' ki'tabu chako i'cho u'v'atonile v'antu' v'ako." 33 Nawe Gu'ku' Mulungu wasu'v'yaga ati', "Muntu' u'yo wakambezezya wu'kenagu'zi hu' mwene ndafute lina lyakwe mu ki'tabu channe. 34 Gi'si' u'kav'alondole v'antu' v'enav'a, u'ye mpaka ku' lwandi' u'lo naku'wi'lile. Lingaga, malaika wanne alaku'tongelele. Ninga vyeni'vyo, itungo aho li'lav'e lyafika ndav'ape lu'duko ku'nguno ya wu'kenagu'zi wav'o."

35 Haho Gu'ku' Mulungu wav'agu'maga v'antu' v'enav'o ku' wu'lwile wa tauni, ku'nguno ya ku'v'ezya ndama i'yo v'alenga wayi'v'ezya Aloni.