1 Mulungu wayombile mihayo zyose zyeni'zi ati', 2 "Ene ni' Gu'ku' Mulungu, Mulungu wako, u'yo naku'fumizye ku'fuma ku' nsi' ya Misili, u'ko wav'age musese.

3 "Ku'du' u'v'e na milungu zingi' sumbwa ene.

4 "Ku'du' wiv'ezezye ki'mbulimbuli, ninga ki'ntu' cha wikole na ki'ntu' ninga ki'mo i'cho ki'li' mu igu'lya mu chelela, ninga i'cho ki'li' ha nsi'li'li' ha welelo, ninga i'cho ki'li' mu minzi' ha nsi'li'li' ya welelo. 5 Ku'du' u'viku'v'i'i'le ninga ku'vitu'mami'la, ku'nguno ene Gu'ku' Mulungu, Mulungu wako, ni' Mulungu wa iwu'v'a. Nu'v'asali'kya v'ana wu'kenagu'zi wa v'asav'o, ninga wu'v'yalwa wa wu'datu' na wa wu'ne wa av'o v'angayile. 6 Ali'vi nu'lagi'la chelu' ku' wu'v'yalwa mahu'ya wa v'antu' av'o v'antogilwe na ku'ziku'zya nhama zyanne.

7 "Ku'du' u'li'kanie gele lina lyamwa Gu'ku' Mulungu, Mulungu wako. Ku'nguno Gu'ku' Mulungu akasye aleke ku'muv'azi'zya ihu'v'yo muntu' u'yo ali'li'kania lina lyakwe gele.

8 "Yi'li'ku'dima u'lwizu'ki'le lu'siku' lwa ki'suuho u'lo lu'li' Sabato, na ku'lu'v'ezya lu'sondo. 9 Mugati' na nsiku' mukaga, u'latu'mame na ku'v'ezya magambo gako gose, 10 sumbwa lu'siku' lwa mupungati' lwenu'lo lu'li' lu'siku' lwa ki'suuho ku'mwa Gu'ku' Mulungu, Mulungu wako. Lu'siku' lwenu'lo u'leke ku'tu'mama muli'mo ninga gu'mo, ev'e, mwana wako, wa ki'gosya ninga wa ki'ki'ma, haki'mo na mukumba wako na muzya wako, ninga ndimu yako ya ku'sav'a, haki'mo na mugeni u'yo ali' mu kaya yako. 11 Ku'nguno ku' nsiku' mukaga Gu'ku' Mulungu watundaga ilunde, li'welelo, nyanza na vyose i'vyo vili' mu welelo yose, na lu'siku' lwa mupungati' wasuuhaga. Ku'nguno yeni'yo Gu'ku' Mulungu walu'dosyaga lu'siku' lwa ki'suuho, na ku'lu'v'ezya lu'sondo.

12 "Yi'li'ku'dima u'v'aku'zye so na nnoko, ki'gele u'v'e na wikalo wu'lihu mu nsi' i'yo ali'ku'pa Gu'ku' Mulungu, Mulungu wako.

13 "Ku'du' u'wu'lage.

14 "Ku'du' u'sihye.

15 "Ku'du' wiv'e.

16 "Ku'du' u'mulembekezye muntu' mwiyo.

17 "Ku'du' u'yigomelwe nnumba ya mwiyo. Ku'du' u'mwigomelwe muki' wa mwiyo, ninga mukumba wakwe, muzya wakwe, ng'ombe yakwe, mpunda yakwe, ninga ki'ntu' ki'mo i'cho ali'nacho muntu' mwiyo."

18 V'antu' v'ose aho v'igwaga ngilimo na ku'wona wu'meku'le wa nku'v'a, na kwigwa muzwi gwa milangale, na ku'wona lu'gu'lu' lu'li'zuka lyonsi, v'ose v'atetemaga ku' wov'a. Haho v'ose v'i'maga ku'le 19 na ku'muwi'la Mose ati', "Yomba niswe ev'e mweni'ki'li', niswe ku'ku'ku'degeleka. Ali'vi Gu'ku' Mulungu ku'du' u'muleke ayombe niswe, ki'gele ku'du' ku'fwe." 20 Nawe Mose wasu'v'yaga ati', "Muleke kogoha, ku'nguno Mulungu wizaga ku'mugema, ki'gele muv'e na wov'a wa Mulungu na muleke ku'v'ezya wu'kenagu'zi."

21 Haho Mose walyegelaga lyeni'lo ilunde lya giti ntimbu, i'lo Mulungu wav'age ali' mwenu'mo. Itungo lyeni'lo v'antu' v'ose v'i'maga ku'le.

22 Hangi' Gu'ku' Mulungu wamuwi'laga Mose ati', "U'v'awi'le V'aizilaeli i'vi: ‘Inywe v'eni'ki'li' mwiwonelelaga ku'v'a nayombaga na inywe ku'fuma ku' ilunde. 23 Ku'du' mwiv'ezezye vimbulimbuli ku'v'a milungu zya ku'ngelani'zya ene, ziv'e zya mawe ga feza ninga zahabu. 24 Mulambezezye ihozezyo lya wu'longo, na ha igu'lya yalyo mulanfumi'zye vitaambo vya ku'zigya na vitaambo vya kwiswanania, vya ng'ombe, nkolo na mbu'li zinywe. Ki'la lwandi' u'lo ndahav'ezye lina lyanne li'kumu'kiwe, hene haho ndize na ku'mudosya. 25 Na inywe u'lu' mwanzyengela ihozezyo lya mawe, ku'du' mwize muzyengele mawe ga ku'pu'nza, ku'nguno u'lu' mutu'mi'le vilwani'lo vinywe vya ku'pu'nzi'la mawe, mulav'e mwali'v'ezezya zoma. 26 Hangi' ku'du' mwize muv'ezye ihozezyo i'lo li'li' na itandi'zyo lya ku'liini'la, ki'gele ku'du' ize asigale du'u'hu' ha igu'lya yalyo.’