1 ✝Zaburuna Daud.

Mboo siimo o firimanina KAWASANA OPU to Opuku,*).

"Uncuramo i weta kaanaku,

sakawana kupewau manga musumu amembali polandakana aemu."

2 KAWASANA OPU bheapekaewa pamarintamu minaaka i Kota Sion.

Kokuasamo i tanga-tangana manga musumu!

3 Raʼeatimu arela bheamaju tee totona incana,

i eona ukapalai manga pasukamu

i bhawona manga gunu momangkilo.

Manga ana manguramu bheaumba i aroamu,

mboomo alo mosapona i wakutuuna raneeo.

4 KAWASANA OPU padhamo apotunda

tee Incia inda bheahelaia pendua o kambotuna,

"Ingkoo satotuuna o imamu to saʼumurua

mboomo tuturana Malkisedik."* tee Ibr. 7:1-28.

5 Kawasana Opu dhaangia i weta kaanamu;

Incia bheapahancuru manga raja i eona pamuruna.*).

6 Incia bheahukumu manga lipu,

sabutuna o lipu sumai abukeaka tee manga maeati.

Incia bheapasaki bhaana manga musuna i saangua alamu.

7 Incia bheasumpu minaaka i saangu umala modhaangiana i bhiwina dhala,

siitumo incia bheaangka bhaana roonamo padhamo atalo manga musuna.