ZABURU 114

Wakutuuna Miana Israel Alimba minaaka i Mesir

1 ✝ 114:1 Limb. 12:51. Wakutuuna miana Israel alimba minaaka i Mesir,

siitumo wakutuuna siwuluna Yakub abholi lipu moposalana pogauna sumai,

2 Kawasana Opu apamembali Yuda tampana momangkilo,

tee Israel amembali tampana pamarintana.

3 ✝ 114:3 Limb. 14:21. Tawo Towu Lambe akamata KAWASANA OPU sabutuna apalai tee amembali amatuu,

Umala Yordan ambuli i talikuna.*114:3 Aeati 3 tee 5 apogauaka rua mpearo Aulataʼala abungkale dhala i tampa mokouwe to miana Israel wakutuuna manga incia abholi Mesir tee apesua i Tana Kanaan.

4 Manga gunu apekalumpa-lumpa mboomo dumba umane,

tee manga kabumbu apekatiba-tiba mboomo anana dumba.

5 E Tawo Towu Lambe, apokia upalai?

E Umala Yordan, apokia umbuli i talikumu?

6 E manga gunu, apokia upekalumpa-lumpa mboomo dumba umane,

tee manga kabumbu, apokia upekatiba-tiba mboomo anana dumba?

7 E alamu, torendemo i aroana Kawasana Opu,

i aroana Aulataʼala isombana Yakub,

8 ✝ 114:8 Limb. 17:1-7. mopamembalina uwe alimba minaaka i nuncana bhatu sakawana amembali tampana lembokana uwe to asumpuaka miana Yahudi,

tee o bhatu dhempa amembali matana uwe.