Salmos 15

Mia Molaengana to Aumba i KAWASANA OPU

1 Zaburuna Daud.

E KAWASANA OPU, incema momembalina mobutuna i Kemamu Momangkilo?

Incema momembalina momboorena i gunumu momangkilo?

2 Siitumo mia modhadhina inda tee kasalahana,

mopewauna kalape,

tee mopogauakana mototuuna

tee incia apogau tee mpuu-mpuuna incana.

3 Manga incia inda afitanaa tee dhelana,

inda apewau kadhaki i sabhangkana,

tee inda apekadhaki sarona sarimbanuana.

4 Manga incia inda mohoromatina manga mia inda itarimana Aulataʼala,

maka ahoromati mia momaekana KAWASANA OPU,

motaʼatina janjina,

moomini amarugi.

5 Manga incia apekapaadhaaka doina tee inda aala laba,

tee inda atarima kasogo to aewangi mia inda mosala.

Mia mopewauna mboo sumai

bheamasanaa tee aʼamani saʼumurua.