ZABURU 27

Taʼamani i Nuncana Peulusana KAWASANA OPU

1 Zaburuna Daud.

KAWASANA OPU o kainawa tee kasalaamatiku,

tee incema buaka iaku bhekumaeka?

KAWASANA OPU o bentena dhadiku,

tee incema buaka iaku bhekurengku?

2 Wakutuuna manga parampo aumba alibuaku

to akande dagiku,

siitumo bhari-bharia bhaliku tee musuku,

manga inciamo mosindolina tee momandawuna.

3 Moomini alibuaku rombongana suludadu mobhari,

i nuncana ngangarandaku inda kumaeka.

Moomini dhaangia tee potimbea to moewangiaku,

iaku sadhaadhaa kuparacaea.