Uumama 12

Waamamuu Ibraam

1 Rabbii Allaahan Ibraamiin akkana jedhe; "Biyya kee, saba keetii fi mana abbaa keetii dhiisiitii gara biyya ani si argisiisuu dhaqi.

2 "Ani saba guddaa sin taasisa;

sin eebbisas;

maqaa kee illee guddaa nan taasisa;

atis eebba taataa.

3 Ani warra si eebbisan nan eebbisa;

warra si abaaran nan abaara;

sabni lafa irraa hundinuu

karaa keetiin eebbifama."