2 Reis 4

Elisha ọkkaan opokwa

1 Wa kwanọng kw’ojinọng wanẹ kw’ọttar k’ekaan ch’agbaak-ettem ch’Ibinọkpaabyi, obhomọ ẹmọng ọkpẹkẹ Elisha bẹ́, "Odim kwaam kw’ode ọtọhmnọng kwọ kk’ọpa. Kọ azong ma bẹ́, wa kẹ okpobh Ọvaar Ibinọkpaabyi mawuriji. Madidanma, ọnọng kw’uwa otim obhorọ okwuma bẹ́, okwu ọtọka ajinọngva paam mach’abira pẹ."

2 Elisha ọpọhn-ẹ bẹ́, "Bọng-eden ch’arorọ bẹ́, nkkaan-o? Tek-m, ayen mbọng z’ọsọhm kwọ?"

Kwanọng nwo ọpọhna bẹ́, "Ọtọhmnọng kwọ ọttọhk z’ọsọhm koyen, kw’ọkpanẹ ana p’oliv p’aning k’ẹsẹbin ch’ikarẹ."

3 Elisha oben-ẹ bẹ́, "Zọhng z’ayok-oter pọ maphyir mayaam-ọ nsẹbin s’nna ọttọhk ake. Ben bẹ manang-ọ k’ọsaabh. 4 Ó̱de ikk’atọka, dim z’ọsọhm ẹtaanga ọmaana iva pọ, mabhen ọmma. Tọka ana ke ny’nsẹbin njo maphyir. K’ose kw’ekpenamkpen efu, tọka sok ẹbhaakẹ danẹ."

5 Kwanọng nwo ofona, od-obhen ọmma, kẹ ọmaana iva pẹ maninga z’ọsọhm nwo ẹtaanga. Matọka nsẹbin njo achen-ẹ. Ochina ororo oke ana mach’oke nya. 6 K’ogbe kw’kwanọng nwo ikk’ana ọka ny’nsẹbin njo maphyir maa, ifu, oben nnwa kwẹ bẹ́, "Chen-m ẹsẹbin ọdọk-ọdọk."

Okenaka, nnwa nwo ọpọhn-ẹ bẹ́, "Ẹsẹbin ọdọk kerikẹ." Nya o, ana akpọka oyiyin.

7 Kwanọng nwo ofona od-otek ọgbaak-ettem ch’Ibinọkpaabyi. Ọgbaak-ettem ch’Ibinọkpaabyi oben-ẹ bẹ́, "Zọhng kpe ana mbo tima tuk ibhorọ sọ. Kọ ọmaana iva pọ màtima mboza p’arikẹ, kkaana ifor."