2 Avaarnọng 6

Elisha osi ẹbar-so ewobh k’asi

1 Wa ẹkaan ch’agbaak-ettem ch’Ibinọkpaabyi ebenẹ Elisha bẹ́, "Kirẹ e, ibyi s’mod-okwu ottonga ọmaan-ọ, kiwenẹ. 2 Tte mochina z’ọraanga kw’Jọrdan, mfha ọnọng-ọnọng ọkpaara ẹfa-fa-chi ch’mm’otima osi ibyi s’mmin’ottonga."

Elisha oben bẹ́, "Màzọhng."

3 Oyok wanẹ oben-ẹ bẹ́, "Ma, kọ mina atọhmnọng pọ mator mofona o?"

Elisha ọpọhna bẹ́, "M’ntor bọnga otor." 4 Minna kw’otorọ bẹ mafona.

Mapyirẹ z’ọraanga kw’Jọrdan o, matọma nchi okpukpaara. 5 K’ose kw’oyok wanẹ oning nya ọkpaar echi, ẹbar-so chẹ ẹrọhbha etto z’asi. Obok bẹ́, "Mma o, ttatta kwaam! Nnyaam ẹbar ndo ọyaam e!"

6 Ọgbaak-ettem ch’Ibinọkpaabyi nwo ọbọbh-ẹ bẹ́, "Memma wọ kw’etto?" Otibh-ẹ ibyi s’etto. Elisha ọkpaara echi ọbharẹ ny’ibyi njo, osi ẹbar-so ndo ewobh ny’asi. 7 Elisha oben-ẹ bẹ́, "Tinẹ dẹ." Minna kw’ojinọng nwo onemẹ ọbọhk, otinẹ ẹbar-so ndo.