1 Maa wọ ode efonamma ch'Ẹsau, kw'ọbạra okpena Edom.

2 Wa Ẹsau ọtạk ipanạng p'abin Kenaan. Oyok wạnọ okpen Ada, kw'Ẹlọn kw'ubin Het ofhonu. Ottong ipanạng afa, okpen Oholibama, kw'Ana ofhonu. Ana wa ode nnwa kw'Zibeọn kw'ubin Hiv. 3 Ottong ipanạng attaan okpen Basẹmat, kw'Ishimayẹl kw'ọbạra ode nnwọkka kw'Nẹbayọt ofhonu.

4 Ada wa ọmaanẹ Ẹliphaz ọnạng Ẹsau, Basẹmat ọmaan Reuẹl. 5 Oholibama ọmaan Jeush ọttạra Jalam, ọttạra Kora. Ma wọ ode iva p'uwa abẹ amaanẹ anạng Ẹsau k'ẹkhạma ch'Kenaan.

6 Ẹsau ọtạk ipanạng pẹ, ọttạra iva pẹ, ọttạra anạng p'ọchọhm kwẹ phyibh, ọttạra itirakpo pyẹ, ọttạra nten sẹ, ọttạra ẹkhạma phyi-phyibh ch'kk'usia k'Kenaan, ubina urik nnwọkka Jekọb, ọtta uruk k'ibyi s'ibhir-ubhir. 7 Wa isisek s'abẹma anạng afa arukhu dạkhẹ bẹ níbenga, ukwuru itirakpo py'abẹ, ọttạra s'ẹkhaama chabẹ n'ẹsaabhẹ eyongu oche kw'abẹma anạng afa nạn adạkhẹ ibyi rạnẹ mákke aruk. 8 Ma wọ Ẹsau kw'ọbạra okpena Edom ọta usi uruk kwẹ k'ukhubha kw'akpecho p'Seir.

9 Maa wọ ode efonamma ch'Ẹsau, kw'ode otte kwididen kw'anạng p'Edom, k'ukhubha kw'akpecho p'Seir.

10 Ma wọ ode ache p'ajunungva p'Ẹsau:

Ẹliphaz, kw'Ada ọmaanẹ,

ọttạra Reuẹl, kw'Basẹmat ọmaanẹ.

11 Iva p'Ẹliphaz ofhonu ade: Teman, ọttạra Ọma, ọttạra Zepho, ọttạra Gatam, ọttạra Kenaz. 12 Ẹliphaz kw'Ẹsau ofhonu wa ọbạra ọkhaama oyok kw'okpen Timna, kw'ọmaan-ẹ nnwa kw'okpen Amalẹk. Ada kw'uwa ode ikwanạng kw'Ẹsau wọ wa ode ọkka kwididen kw'iva mbọ phyibh.

13 Iva p'Reuẹl ade: Nahat, ọttạra Zẹra, ọttạra Shama, ọttạra Miza. Basẹmat kw'ode ikwanạng kw'Ẹsau wọ wa ode ọkka kwididen kw'iva mbọ phyibh.

14 Iva p'Oholibama kw'ode nnwa kw'Ana, kw'Zibeọn ofhonu, p'uwa ọmaanẹ ọnạng Ẹsau ade: Jeush, ọttạra Jalam, ọttạra Kọra.

15 Maa wọ ode avaar p'efonamma ch'Ẹsau, p'abin k'ẹnạmma ch'Ẹliphaz, kw'ode ocheden-nwa kw'Ẹsau ofhonu. Iva mbọ wa ade: Teman, ọttạra Ọma, ọttạra Zepho, ọttạra Kenaz,

16 ọttạra Kora, ọttạra Gatam, ọttạra Amalẹk. Anạng mba bọ p'uwa atim mvaar k'ẹnạmma ch'Ẹliphaz k'Edom. Ada wọ wa ode ọkka kwididen kw'abẹ phyibh.

17 Avaar p'abin k'enạmma ch'Reuẹl kw'ode nnwa kw'Ẹsau ofhonu k'ẹkhạma ch'Edom ade: Nahat, ọttạra Zẹra, ọttạra Shama, ọttạra Miza. Basẹmat wọ wa ode ọkka kwideden kw'avaar mbọ phyibh.

18 Avaar p'abin k'ntaak s'Oholibama, kw'ode nnwa ikwanạng kw'Ẹsau, ọbạra ode nnwa kw'Ana, ade: Jeush, ọttạra Jalam, ọttạra Kọra.

19 Ma wọ ode iva p'Ẹsau, kw'ọbạra okpena Edom, ọttạra avaar p'nnạmma sabẹ phyibh.

20 Achedennạng p'arukhu k'ukhubha ngwọ, ade iva p'Seir kw'ubin k'ẹnạmma ch'Họr. Abẹ ade:

Lotan, ọttạra Shobal, ọttạra Zibeọn, ọttạra Ana,

21 ọttạra Dishọn, ọttạra Ẹzẹr, ọttạra Dishan. Ma wọ ode avaar p'abaHọr, p'abin k'ẹnạmma ch'Seir k'Edom.

22 Wa iva p'Lotan ade: Họri, ọttạra Homam. Timna ẹma wa ode nnwọkka kw'ikwanạng kw'Lotan.

23 Wa iva p'Shobal ade: Alvan, ọttạra Manahat, ọttạra Ebal, ọttạra Shepho, ọttạra Ọnam.

24 Zibeọn ẹma wa ọkhaam iva afa, p'ade: Aiya, ọttạra Ana. Ana nwọ wọ wa, uchi eden ọta ose asi k'ibyi s'owor, masẹ n'okkeri mmaam s'otte kwẹ, Zibeọn.

25 Wa, Ana ọkhaam iva afa p'ade: Dishọn, kw'ode ujunung, ọttạra Oholibama kw'ode ikwanạng.

26 Iva p'Dishọn wa abẹ ade: Hẹmdan, ọttạra Ẹshban, ọttạra Itiran, ọttạra Keran.

27 Iva p'Ẹzẹr ade: Bilhan, ọttạra Zaavan, ọttạra Akan.

28 Iva p'Dishan ade: Uz, ọttara Aran.

29 Ma wọ ode avaar p'Họr: Lotan, ọttạra Shobal, ọttạra Zibeọn, ọttạra Ana, 30 ọttạra Dishọn, ọttạra Ẹzẹr, ọttạra Dishan, k'nnạmma k'nnạmma k'Seir.

31 Okpe kw'uwa anạng p'Israẹl nạn avaar tạm nakhaama, avaar p'uwa adạbhẹ Edom, ade:

32 Bẹla kw'ode nnwa kw'Beor wa ọdạbhẹ Edom. Wa, ọvaarfhon kwẹ okpen Dinhaba.

33 Masẹ Bẹla ope, Jobab kw'ode nnwa kw'Zẹra kw'ubin Bozra, n'ukwu ọdạbh ẹvaar.

34 Masẹ Jobab ope, Husham kw'ubin k'ukhubha kw'Teman, n'ukwu ọdạbh ẹvaar.

35 Masẹ Husham ope, Hadad kw'ode nnwa kw'Bẹdad, ukwu ọdabh ẹvaar. Hadad nwọ wọ wa ofon k'Moab ọta urima anạng p'Midiyan abẹ. Ẹma wa, ọvaarfhon kwẹ okpen Avit.

36 Masẹ Hadad ope, Samla kw'ubin Masareka, ukwu ọdabh ẹvaar.

37 Masẹ Samla ope, Shaul kw'ubin Rehobot, kw'uning ọbaanga ọraanga, n'ukwu ọdạbh ẹvaar.

38 Masẹ Shaul ope, Baal-Hanan, kw'ode nnwa kw'Akabọ, ukwu ọdạbh ẹvạar.

39 Masẹ Baal-Hanan nnwa kw'Akabọ ope, Hadad ukwu ọdạbh ẹvaar. Ẹma wa, ọvaarfhon kwẹ okpen Pau. Ikwanạng kwẹ kw'ode nnwa kw'Matạrẹd, okpen Mehetabẹl. Matạrẹd wa ode nnwa kw'Me-Zahab.

40 Ma wọ ode avaarnạng p'efonamma ch'Ẹsau, ọttạra ache pabẹ, k'nnạmma sabẹ, ator k'oche kw'abẹ arukhu. Abẹ ade:

Timna, ọttạra Alva, ọttạra Jetẹt,

41 ọttạra Oholibama, ọttạra Ẹla, ọttạra Pinọn, 42 ọttạra Kenaz, ọttạra Teman, ọttạra Mibzar, 43 ọttạra Magdiẹl, ọttạra Iram. Avaar mbọ bọ wa adạbhẹ anạng p'Edom, ator k'oche kw'uwa abẹ arukhu ma isisek nnọ.

Wa Ẹsau wọ ode otte kwididen kw'anạng p'Edom.