2 Kē et Juw te, ba vaga kē ōl liwo Ḡod. Kē net vitwag a nileplep namlan hiy ige sil, tō kē net batatay vaga. Tō kē tiwag mi ige nonon nēdēmap galsi Ḡod.
15 Ba nohohole mavan lok me hiy kē so, "Nahaphap mey a Ḡod mak wenwen tō en, nēk nitog vavap so et wenwen te."
28 Tō Pita nihole van hiy kēy so, "Kimi del nēglal galsi so nele nonmem nigatgoy net Tujuw so tit van sisqet vēhte me net telepnō tegha, wa tit vatēp vēhte kē. Ba Ḡod mal vasem me hiy no so no tit ōl hethet vēhte net vitwag so ikē et yon̄ te wa et wenwen te lengon Ḡod.
Pita nivasemlō noyoy ēwē lēm̄ non Konelias
34 Tō Pita niqtēg nohohole nonon wo, "No mēglal galsi so lengon Ḡod en, igēn del haytēyēh. 35 Ḡod telep vasgēt ihēte a nimogmogo goy kē, wa niak nage mey netnenen van lengon, et ēwē te so kē nage Tisrael si so nage telepnō tegha.
Nuvu Yon̄ nihēw me hiy ige mey a et Juw te
44 Mahē Pita hohole lapgetō nage geh gōh en, tō Nuvu Yon̄ nihēw me apwon ige a yon̄yon̄teg tō kē en.