Ananias kōyō Saphira
1 Net vitwag, nahan Ananias, tiwag mi ēgnōn, nahan Saphira, kōyō men̄yeg natkel vētan noyō. 2 Ba kē mohog ēwē van natkel sēm hiy ige hal, tō magalgal so nēsēm del bēvētan anen. Ba kē mōlōn̄veg bat natkel sēm so nonon. Tō ēgnōn nēglal galsi aē, veg kōyō mepnopnog tō so ak qeleanen.
3 Bahnentō, Pita mavap van hiy kē wo, "?Ananias, bahap tō nēk mukēg Satan so nitig helem̄ag nēdēmdēm nōnōm? !Nēk magalgal Nuvu Yon̄ anen! Veg nēk mētēy lōn̄veg natkel sēm ne vētan en so nōnōm mahge. 4 Am̄ag a nēk et n̄eyeg qete en, nēvētan nan nōnōm. Tō nēk men̄yeg en, tō nēk so tēygoy qēt, veg nēsēm nan en nōnōm. ?Nēk magalgal qele gōh bahap? !Nēk et galgal te net, nēk galgal Ḡod anen!"
8 Tō Pita nivēhge van hiy kē wo, "Saphira, vasem galsi tow so nēsēm ne vētan a kōmyō men̄yeg tō en vēvēh. ?Bah a kōmyō melep me en siso natkelgi nan lapgetō?"
Ba Saphira so, "Nēsēm nan bah anen."
9 Tō Pita wo, "?Bahap tō kōmyō natm̄an nōnōm magalgal Nuvu Yon̄? !Et van kē! Ige a metvig tō natm̄an nōnōm en tig sey tō lemte ēm̄ agōh. !Kēy so hah lō se nēk!"