Ḡod meleh Sol mavan me net non Tigsas
1 Van lelo vōnō Jerusalem en, Sol vēgsoy lapgetō so niwuh matmat ige tin̄qoy non Tigsas. Lōqōn̄ vitwag Sol mavan hiy Nipris Liwo. 2 Kē nemyōs so nivan n̄a lepnō Damaskus, so nisoksok ige a damdam Namtehal Ne Ēh.9:2 Navavap Namtehal Ne Ēh, nahan ige Krēstēn. Nahan gōh nivan den nohohole non Tigsas a kē mavap so, "Ino namtehal, wa nēhēyhēywē, wa nēh." Jon 14:6 Kē so nivēl m̄ōlm̄ōl lokse ige Krēstēn nan, tō so van tēy kēy lēm̄ yētyēt a Jerusalem. Bastō kē nivēhge Nipris Liwo so niyap neletes hiy ige ēm̄ yon̄ Tujuw a Damaskus so biyin̄ kē. Tō Nipris Liwo memgugoy kē.