Atos 9

Tabita mahatig lokse den namatmat

36 Ba hay lepnō Jopa en, nitin̄qoy vitwag aē a nalqōvēn. Nahan Tabita, ba kēy ōlōl kē so Dokas lagatgat Tikrik. Vaga kē nōyheg mi namgumgu mey nēwē wa nimyin̄ tasga ige m̄asay. 37 Lamahē nen nogom maqal kē, tō kē mamat. Kēy musuwsuw nataqn̄ēn, wa melveteg kē hag lelo din vitwag a lēm̄ alge.

38 Ba Lida sisqet Jopa, tō ige tin̄qoy moyon̄teg so Pita a Lida. Bastō kēy mēvētleg yoge vōyō so vangoy kē. Tō kōyō mavap van hiy Pita so, "!Van ēgē me hiy kemem!"

39 Tō Pita mahatig, madam kōyō, mēdēn̄ me vētmahē nen. Tō kēy van tēy kē lidin nan. Tō ige lōqōvēn nay mitig walēg Dokas wa ten̄ten̄. Tō kēy mavasem van hiy Pita nahap a kē mususuy geh tō, mahē a kē laptō tiwag mi kēy.