1 RAMPAUBE Moses penai Aaron de mpau dai. Pa rang eh, 2 "Israelme ketket kecu pemaa kenzwame tai ramzeuki tei twagwa zie, penui peime kelak pailimdung ga zie. Kengkwa paiki petu pelane penui ramzeuki tei twagwa zie. 3 Kengkwa paiki naimiak kepetle tu, tingnaimiak pet kecu lambi, cidungde ramzeuki teilwe bamzie, cide Judahme ramzeuki nah penui maa kenzwa kangga penui ramzeuki teibam. Amminadab napei Nahson ne Judah minadung gu muiteube da. 4 Judahme pumpei mina 74,600. 5 Issachar leuhme Judah cia gage ramzeuki zie. Zuar napei Nethanel ne Issachar reugwame muiteu tei maisia. 6 Pecu mzi kebeu pumpei cai mina 54,400. 7 Zebulun leuhme Issachar cia gage ramzeuki tei maisia. Helon napei Eliab ne Zebulun reugwa muiteu teizie. 8 Pecu mzi kebeu pumpei cai 57,400. 9 Judah ramzeuki pumpei pelane ge 186,400. Penuine tetpet rai zie.

10 Tingbangle tu Reuben maame ramzeuki zie penui maame kenzwa kangga. Shedeur napei Elizur ne Reuben ramzeuki muiteu tei zie. 11 Pecu mzi kebeu pumpei cai 46,500. 12 Reuben cia ga Simeon ramzeuki. Simeon leuhme muiteube cai Zurishaddai napei Shelumiel. 13 Pecu mzi kebeu pumpei cai 59,300. 14 Pecia ga Gad leuhme. Gad leuhme muiteube cai Deuel napei Eliasaph. 15 Pecu mzi kebeu pumpei cai 45,650. 16 Reuben ramzeuki ga kebam mina pelane pumpei, penuide mzi kebeu rehi gade cai 151,450. Penui tet mpet pekenabe zie.

17 Pecia, ramzeuki gade kengkwa paiki tetpet zie Levime de ngngwa eh ramzeukidung pelane kakgade. Penui ramzeuki ga kegwang rehi nzwa siakte penui ramzeuki gade tet mpet zie. Mileune pebam ga bam zie, pe pailim ga.

18 Ephraim ramzeuki mzidung penui maa kangga. Ephraim leuhme muiteube Ammihud napei Elishama. 19 Pecu mzi kebeu pumpei cai 40,500. 20 Penui cia ga Manasseh leuhme. Manasseh leuhme muiteube cai Pedahzur napei Gamaliel. 21 Pecu mzi kebeu pumpei cai 32,200. 22 Pecia ga cai Benjamin leuhme. Benjamin leuhme muiteube cai Gideoni napei Abidan. 23 Pecu mzi kebeu pumpei cai 35,400. 24 Ephraim ramzeuki ga pumpei pelane ge 108,100. Penui tet kempet pekecumbe zie.

25 Tingpeule bie cai Dan ramzeuki gu pe mzidung. Dan leuhme muiteube cai Ammishaddai napei Ahiezer. 26 Pecu mzi kebeu pumpei cai 62,700. 27 Dan leuhme cia gage Asher leuhme ramzeuki tei lu. Asher leuhme muiteube cai Okran napei Pagiel. 28 Pecu mzi kebeu pumpei cai 41,500. 29 Pecia ga Naphtali leuhme. Naphtali leuhme muiteube Enan napei Ahira. 30 Pecu mzi kebeu pumpei cai 53,400. 31 Dan ramzeuki ga pumpei pelane ge 157,600. Penui ramzeuki gade tet kempet kamtube zie, penui maa kang gade."

32 Aidungde Israelme da, penui kelakdung rehi gade pumpei kelu. Penui ramzeuki gade pumpei kelu pelane, penui mzidung gade, 603,550. 33 Dede Moses penai Aaron Israelme kakgade Levime de pei si ma. Aide RAMPAUBE ne Moses dage aja kaikebeu de da. 34 RAMPAUBE Moses dage aja kaikebeu pelane Israelme teilu. Penui gu pailim kangga de penui ramzeuki teilu. Penui ramzeuki gade pautsa ria gade tet mpet, penui paume kelakdung rehi gade.