1 Aide Israelme reunet maadung Moses nah Aaron muiteu kangga de Egypt deu gidi eh tet kempet dau heni kedadung gage mlai gai kecu hadung. 2 Moses penui tet kempet gade tet kegwang heni ramsang zi raulu, RAMPAUBE aja kaikebeu nzwa eh. Aide penui tet kegwangdung da, ket gade keda gage tetgai kecu. 3 Kei raitu benai penui Rameses gade nbeuh pet, kei raitu ziangreiehmengei benai tet mpet. Kahkegwang cangkelu peciabe tingcang, Egyptme pelane kengau gade Israelme tetdi. 4 RAMPAUBE ne Egyptme neraibedung de teitset kedimedung de penui kung kebamdau, pa penui tinggwangdung dage de saja peu.

5 Israelme Rameses gade tet mpet Succoth gage ramzeuki teilu. 6 Penui Succoth gade tet mpet Etham, hetaideu kung gage ramzeuki teilu. 7 Penui Etham gade tetgai nah Pi Hahiroth caili gwangdi, cide Baal Zephon de ketsapreu kebam ga, penui Migdol taiga ramzeuki teilu. 8 Pecai penui Pi Hahiroth de ketsapreu eh tet mpet nah jaaidi sum gade hetaideu ga mie. Penui langcumne ge Etham hetaideu gade tet gwang nah Marah gage ramzeuki teilu. 9 Penui Marah gade tet mpet nah Elim ga gwanglu. Elim ga duirwak kereiehkena nah riakhena palm bangdung bam. Cika ge penui ramzeuki teilu. 10 Penui Elim gade tet mpet nah Jaaidi Kegie tai gage ramzeuki teilu. 11 Jaaidi Kegie gade tet mpet nah Sin hetaideu gage ramzeuki teilu. 12 Penui Sin hetaideu gade tetpet nah Dophkah gage ramzeuki teilu. 13 Penui Dophkah gade tet mpet nah Alush gage ramzeuki teilu. 14 Penui Alush gade tet mpet nah Rephidim gage ramzeuki teilu, cika minadung dui teu kera ngau luma. 15 Penui Rephidim gade tet mpet nah Sinai hetaideu gage ramzeuki teilu. 16 Penui Sinai hetaideu gade tet mpet nah Kibroth Hattaavah gage ramzeuki teilu. 17 Penui Kibroth Hattaavah gade tet mpet nah Hazeroth gage ramzeuki teilu. 18 Penui Hazeroth gade tet mpet nah Rithmah gage ramzeuki teilu. 19 Penui Rithmah gade tet mpet nah Rimmon Perez gage ramzeuki teilu. 20 Penui Rimmon Perez gade tet mpetlu nah Libnah gage ramzeuki teilu. 21 Penui Libnah gade tet mpet nah Rissah gage ramzeuki teilu. 22 Penui Rissah gade tet mpet nah Kehelathah gage ramzeuki teilu. 23 Penui Kehelathah gade tet mpet nah Shepher Deutu gage ramzeuki teilu. 24 Penui Shepher Deutu gade tet mpet nah Haradah gage ramzeuki teilu. 25 Penui Haradah gade tet mpet nah Makheloth gage ramzeuki teilu. 26 Penui Makheloth gade tet mpet nah Tahath gage ramzeuki teilu. 27 Penui Tahath gade tet mpet nah Terah gage ramzeuki teilu. 28 Penui Terah gade tet mpet nah Mithkah gage ramzeuki teilu. 29 Penui Mithkah gade tet mpet nah Hashmonah gage ramzeuki teilu. 30 Penui Hashmonah gade tet mpet nah Moseroth gage ramzeuki teilu. 31 Penui Moseroth gade tet mpet nah Bene Jaakan gage ramzeuki teilu. 32 Penui Bene Jaakan gade tet mpet nah Hor Haggidgad gage ramzeuki teilu. 33 Penui Hor Haggidgad gade tet mpet nah Jotbathah gage ramzeuki teilu. 34 Penui Jotbathah gade tet mpet nah Abronah gage ramzeuki teilu. 35 Penui Abronah gade tet mpet nah Ezion Geber gage ramzeuki teilu. 36 Penui Ezion Geber gade tet mpet nah Kadesh ga Zin hetaideu gage ramzeuki teilu. 37 Penui Kadesh gade tet mpet nah Hor Deutu gage ramzeuki teilu, Edom deu kung ga.

38 Cingkupei Aaron Hor Deutu ga RAMPAUBE aja gade hang nah pa mmi riakdai bekum Israel minadung Egyptme deu gade mpet kelu cai, kei mengei bekei, cipau kei tingbazie raitu benai tsaidi. 39 Aaron Hor Deutu gade tsai kecudau pa mmi 123.

40 Arad gwangpei, Canaanme ge, Canaan deu hetaideu tingbangle lungh kelame ge, Israel minadung gwangla delie kecu siulu.

41 Penui Hor Deutu gade tet mpet nah Zalmonah gage ramzeuki teilu. 42 Penui Zalmonah gade tet mpet nah Punon gage ramzeuki teilu. 43 Penui Punon gade tet mpet nah Oboth gage ramzeuki teilu. 44 Penui Oboth gade tet mpet nah Iye Abarim ga ramzeuki teilu, Moab deu rai gage. 45 Penui Iye Abarim gade tet mpet Dibon Gad gage ramzeuki teilu. 46 Penui Dibon Gad gade tet mpet nah Almon Diblathaim gage ramzeuki teilu. 47 Penui Almon Diblathaim gade tet mpet nah Abarim lamlwatudung gage ramzeuki teilu, Nebo de ncwa kebam ga. 48 Penui Abarim lamlwatudung gade tet mpet nah Jericho ga Jordan tai Moab langkiedung ga ramzeuki teilu. 49 Penui Jordan taiga ramzeuki teilu, Beth Jeshimoth gade Abel Shittim ga Moab langkiedung ga.

50 RAMPAUBE Moses de Jericho ga Jordan tai Moab langkiedung gade resiu, rang eh, 51 "Israel minadung de resiu gai nah penuide rang beu, ‘Nnui Jordan tet kahpet Canaan deu ga canglu de, 52 nnui cika lungh kebamme pelane de gwa mpetdi maisia. Penui gu mamie tei pwa kebamdung de nnui teimsia di maisia. Penui gu mamie tei keludung nah penui gu kerecakidung pelane teimsia di maisia. 53 Nnui hangdeu cide gumlu maisia nah cika lunghlu, kedanemene Ih hangdeu de nnui gu mapwa kera peu dida. 54 Nnui dacak eh hangdeu de gumlu maisia, pautsa rehi gade. Pautsa kedibedung de hangdeu kwa kekieebe, nah pautsa keceunadung de hangdeu qwa keceube peulu maisia. Dacak eh pautsa leune da gwang kelube deu, hangdeu cide penui gu dizie. Nnui paume leuh rehi gade nnui hangdeu gum zie. 55 Dede nnui cipau deu ga lungh kebamme de gwa mpetdi meliecai, nnui peu cika lungh kebamme nnui miak ga keheradung nah nnui mbie ga hetudung nzwa dizie. Nnui lungh kebam ga penui nnuide peu lungh keherei dizie. 56 Ciciu eh Ih penui da teigai kera de, nnui dage de teigai zie.’"