1 "Kei hena bekei dau, hekei gade tingba raitu benai, nnui RAMPAUBE de herüt kepeu kemci kangbau ge bamlu maisia. Aipaunai nnui mata teibam keladung de tei kerabe ma. Aipaunai de nnui teluidung kwagai kera benai. 2 Nnui RAMPAUBE ziemne keru reca perim kehengui de peulu maisia. Nnui hetumseuna ge, hemeuseu ge, nah mmi ge cing kedi meuründung hena, kette rezamdi kemakpe peu maisia. 3 Nnui meibui reca mapeu pwa peu maisia, tokkui maca kai kelube, hetumseu ziemne ephah zi kerei gade zi cum, meurünseu ziemne zi kerei gade zi na, 4 nah kerei zi ge meurünna hena ziemne ketket kecu. 5 Hemeu peseu ge teu eh nnui mau ruilu kerane kemau reca tei beulu. 6 Reca aidungde keihena bekei dau teilu recadung pelane nnui hekei raitu ramsangne ga tei kebamde de si eh: keru reca yitube nah meibui reca peu nsamlu kerane. Aidungde keru reca tei bammui kela gage tei si gai lu, meibui reca nah zau recadung gage. Nang reca aide peu kegai dau, nang perim kehengui pwapeu lu kerane hezai kaikebeu de mzailu zie, RAMPAUBE dage mi gade reca teikegai de.

7 Kei hena bekei lang kerei ne benai nnui RAMPAUBE de herüt kepeu kemci kangbau bamlu maisia. Nnuide tei hena lu maisia nah mata gede tei so. 8 Nnui RAMPAUBE ziemne keru reca perim kehengui de pwa peulu maisia. Nnui hetumseu kehenabe ket, hemeuseu ge, nah meurünseu hena mmi ge cing kedibe pwa peu zie. Cidungde ketket kecu rezamdi kemakpe maisia. 9 Nnui meibui mapeu aidung de si eh pwapeu lu, tokkui maca kai kelube, hetumseu ziemne ephah zi kerei gade zi cum, hemeuseu ziemne zi kerei gade zi na, 10 nah meurünna pumhena ketket kecu ziemne ephah kerei ge zie. 11 Nnui hemeuseu ge pwa kemau reca teigai maisia. Aide mmau rilu kera kemau reca gage teigai si zie, keru reca tei bammui kelade, meibui reca, nah zau recadung de si eh.

12 Kei hena bekei ziangreiemengei benai nnui RAMPAUBE de herüt kepeu kemci kangbau ge bamlu maisia. Nnui teibam kela matadung cipaunai teiso, nah langhenane hengyi cide RAMPAUBE ziemne mnei lu. 13 Nnui keru reca pwapeu maisia, mi le teikelu ratak RAMPAUBE de perim kehengui pwapeu lu kerane. Nnui hetumseu kereiehkecum, hemeuseu kena, nah meurün seu mmi ge cing kedibe pwapeu lu. Ketket kecu rezamdi kemakpe maisia. 14 Nnui ma aidungde si eh meibui reca pwapeu lu, tokkui maca kai kelube, hetumseu kereiehkecum gade ketket leune ziemne ephah zi kerei zi cum, hemeuseu kena gade ketket ziemne zi kerei gade zi na zie, 15 nah meurünnadung kereiehmdai gade ketket ziemne ephah kerei ge zie. 16 Tei bammui kela keru reca, meibui reca, nah zau reca gage si eh nnui hemeuseu ge kemau reca ziemne pwa peulu maisia. 17 Kekangbau kecu pekena benai, nnui hetumseu kehenabe kereiehkena, hemeuseu kena, nah meurünnadung kereiehmdai mmi ge di kecube, ketket kecu rezamdi kemakpe. 18 Cidungde de si eh nnui mei reca nah zau reca hetumseudung ziemne, hemeuseudung ziemne, nah meurünnadung ziemne teigai maisia, recadung tei lulo kebeu swa kiee eh reca teigai lu. 19 Nnui keru reca, meibui reca, nah zau reca peu bammui kela gage si eh hemeuseu ge teu eh kemau reca teibeu maisia. 20 Kangbau langcumne benai, hetumseu kereiehket, hemeuseu kena, nah meurünna peseudung kereiehmdai mmi ge cang kedibe, ketket kecu rezamdi kemakpe. 21 Cidungde de si eh nnui mei reca nah zau reca hetumseudung ziemne, hemeuseudung ziemne, nah meurünnadung ziemne teigai maisia, recadung tei lulo kebeu swa kiee eh reca teigai lu. 22 Nnui keru reca, meibui reca, nah zau reca peu bammui kela gage si eh hemeuseu ge teu eh kemau reca teibeu maisia. 23 Kangbau lang pemdai benai, nnui hetumseu kerei, hemeuseu kena, nah meurün seu kereiehmdai mmi ge cang kedibe, ketket kecu rezamdi kemakpe pwapeu maisia. 24 Cidungde de si eh nnui mei reca nah zau reca hetumseudung ziemne, hemeuseudung ziemne, nah meurünnadung ziemne teigai maisia, recadung tei lulo kebeu swa kiee eh reca teigai lu. 25 Nnui keru reca, meibui reca, nah zau reca peu bammui kela gage si eh hemeuseu ge teu eh kemau reca teibeu maisia. 26 Kangbau lang pemengei benai, nnui hetumseu hekui, hemeuseu kena, nah meurünna peseu mmi ge di kecube kereiehmdai, ketket kecu rezamdi kemakpe. 27 Cidungde de si eh nnui mei reca nah zau reca hetumseudung ziemne, hemeuseudung ziemne, nah meurünnadung ziemne teigai maisia, recadung tei lulo kebeu swa kiee eh reca teigai lu. 28 Nnui keru reca, meibui reca, nah zau reca peu bammui kela gage si eh hemeuseu ge teu eh kemau reca teibeu maisia. 29 Kangbau kecu langherokne benai, nnui hetumseudung heset ge, hemeuseu kena, nah meurünna peseu kereiehmdai mmi ge di kecube, ketket kecu rezamdi kemakpe. 30 Cidungde de si eh nnui mei reca nah zau reca hetumseudung ziemne, hemeuseudung ziemne, nah meurünnadung ziemne teigai maisia, recadung tei lulo kebeu swa kiee eh reca teigai lu. 31 Nnui keru reca, meibui reca, nah zau reca peu bammui kela gage si eh hemeuseu ge teu eh kemau reca teibeu maisia. 32 Kangbau kecu langhenane benai, nnui hetumseu hena, hemeuseu kena, nah meurünseu mmi ge di kecube kereiehmdai, ketket kecu rezamdi kemakpe pwapeu maisia. 33 Cidungde de si eh nnui mei reca nah zau reca hetumseudung ziemne, hemeuseudung ziemne, nah meurünnadung ziemne teigai maisia, recadung tei lulo kebeu swa kiee eh reca teigai lu. 34 Nnui keru reca, meibui reca, nah zau reca peu bammui kela gage si eh hemeuseu ge teu eh kemau reca teibeu maisia. 35 Lang hesetne benai nnui riemsünne kelu kangbau keda ge bam lu maisia. Cipaunai nnui kedadau teibam kela mata tei kerabe ma. 36 Nnui keru reca ge pwapeu lu maisia, RAMPAUBE ziemne mi le teikelu reca perim kehengui de teigai lu. Nnui hetumseu ge, hemeuseu ge, nah meurünseu hena mmi ge di kecube, rezamdi kemakpe pwapeu lu maisia. 37 Cidungde de si eh nnui mei reca nah zau reca hetumseudung ziemne, hemeuseudung ziemne, nah meurünnadung ziemne teigai maisia, recadung tei lulo kebeu swa kiee eh reca teigai lu. 38 Nnui keru reca, meibui reca, nah zau reca peu bammui kela gage si eh hemeuseu ge teu eh kemau reca teibeu maisia.

39 Ma aidungde nnui riemkelu ngyidung gade RAMPAUBE de peulu maisia. Aidungde nnui sampet nah mta makaidung gage si kerabe. Nnui aide nnui gu keru recadung, meibui recadung, zau recadung, nah kangbau recadung ge eh peu lu." 40 Moses Israelme dage RAMPAUBE ne ranglo kebeu leune rangbeu.