यशैया 40

28 के तँ जान्दैनस्?

के तैँले सुनेको छैनस्?

याहवेह अनन्तका परमेश्‍वर हुनुहुन्छ,

सारा पृथ्वीका सृष्‍टिकर्ता हुनुहुन्छ।

उहाँ थाक्नुहुन्‍न, न त गल्नु हुन्छ,

उहाँको बुद्धि अपरम्पार छ।

29 उहाँले थकितहरूलाई सामर्थ्य दिनुहुन्छ,

र दुर्बलहरूको शक्ति बढाइदिनुहुन्छ।

30 जवानहरू पनि थाक्छन् र गल्छन्;

अनि जवान मानिसहरू ठक्‍कर खाएर लड्छन्;

31 तर याहवेहमा आशा राख्नेहरूले

नयाँ सामर्थ्य पाउँछन्।

तिनीहरू चीलझैँ पखेटाले माथि उड्नेछन्;

तिनीहरू दगुर्ने छन्, तर पनि थाक्नेछैनन्;

तिनीहरू हिँड्नेछन्, तर बेहोस हुनेछैनन्।