यशैया 53

5 तर ऊ त हाम्रै अधर्महरूका निम्ति छेडियो।

ऊ हाम्रा अपराधहरूका निम्ति कुल्चियो;

हामीमा शान्ति ल्याउने ताडना उसमाथि पर्‍यो;

अनि उसका चोटहरूले हामी निको भयौँ।

6 हामी सबै भेडाहरूझैँ बरालिएका छौँ;

हामी प्रत्येक आ-आफ्नै बाटो लागेका छौँ।

याहवेहले उसैमाथि

हामी सबैका अपराधहरू राखिदिनुभएको छ।

7 उसलाई सताइयो र उसलाई कष्‍ट दिइयो,

तर पनि उसले आफ्नो मुख खोलेन;

उसलाई मारिन लगिएको थुमाझैँ लगियो;

ऊन कत्रनेहरूको सामु भेडा शान्त रहेझैँ,

उसले आफ्नो मुख खोलेन।