1 Mwana muna luhunja akupikana fyamuwombela va tati mundu, lakini yavelili na ubedalu akupikanisha ha ngayikilu.

2 Mundu akupata fupu kwa filongu fyaki, lakini vafyangu vakudobukela ndilingu.

3 Yadima mlomu waki akudima ngalilu yaki, yadeta wafu akwiyeghela njifwa.

4 Mgata akudobukela chindu lakini akupata ha, lakini dobukelu ya mundu yakimbanika kwa nguvilishu akupata kila chindu chadayila.

5 Mundu msangi akuunyekwa udesi, lakini mwafu akugola kwa chindipa na mbedalu.

6 Ugoleki ukuvadima vandu vasangi, lakini wafu ukuvawisha vandu yivavelili na sambi.

7 Vamonga vakwijuma kucha valundamali kumbi vavahela chindu, vamonga vakwiwona kucha vagaju kunu vana mali ngenju.

8 Mlundamali akudima ngalilu yaki kwa mali shaki, lakini mgaju kavahela chindu cha kumulilimusha.

9 Mundu goleki akung'ala kucha lwengi wuluyaka nyanyi, lakini mundu mwafu kava kucha lwengi luujimika. 10 Lukilu lukuyegha ndewu hela, lakini luhunja lukuva na vala yivayipikana.

11 Mali sha deha ya wafu sikuyaghamila kalopu, lakini yakungasha mali chidokwa chidokwa dayiyongisheki.

12 Shuvililu ya kuvetela vetela yikugobola ndima, lakini shuvililu yiigoleka ndi kucha libiki lya unofu.

13 Yabedala fivamuwombela akwiyeghela goboleku, lakini yajumila malayishu dagayiliwi fupu.

14 Ng'ulilu ya mundu yaveli na luhunja yikwifwana na fiseselu fya unofu, dafimutangi mundu kwilyepa na mitambu ya njifwa.

15 Kugola fya luhunja kukuyegha ndundamilu, lakini deha ya mundu mvifyi yikulongosha kugobuleku.

16 Yavelili na luhunja akugola kila chindu kwa luhala, lakini mpufi akuwukwisha upufi waki.

17 Mnjagila mfyangu akuvagola vandu vagobuleki, lakini mnjagila wa nakaka akuyegha kusika.

18 Ugaju na chindipa ukumpata yangajila kukovekela ng'ulilu, lakini yapikanisha ng'ulilu akutundamiliwa.

19 Yikuva cheleli pawupokela chila chiwudayileghi, topi vapufi vakunyekwa kuwilyepa wafu.

20 Yayilongosha na yivavelili na luhunja akupata luhunja, lakini yayilumba na vapufi dateshiwi.

21 Misayisayi yikumuwona mundu yagola sambi, lakini vandu goleki davafupiwi usangi.

22 Mundu msangi akuvalekela chileli chaki mbala, lakini mali muna sambi vakugayiliwa vagoleki.

23 Chitava cha mgaju chikuva na fivelekwa fitangalili, lakini vandu vawafu vakutola filivi fyosi.

24 Yangajila kumulatula mwana mundu kamutama ha, lakini yamutama mwana mundu akumlatula.

25 Goleki kana filivi fya kumkwila, lakini mitima ya vawafu yikugoboleka kwa njala.