1 Mundu akwilata cha kugola mundima yaki, lakini Bambu Chapanga ndi yalamula.

2 Figoli fya mundu fikuwoneka kwa mweni fiva nyanyi, lakini Bambu Chapanga akulinga natilu ya mundu.

3 Wumwidumbili Bambu Chapanga kwa fichuku fyaku fyosi, na milandu yaku dayivi nyanyi.

4 Bambu Chapanga kawumba findu fyonda fyayilatili mweni, hata vavifyi valumbiwa kwanongwa ya lijuva lya kuyanangika.

5 Kila mundu muna lukilu Bambu Chapanga akumnywekwa munu, nakaka mundu wa ndambu ayi dalekiwi ha kuhighiwa.

6 Pawuva na utami pamu na uaminifu ukuwushiwa sambi, kwa kumtundamila Bambu Chapanga mundu akuwuleka wafu.

7 Bambu Chapanga panoviliwa na ngalilu ya mundu, akuvaghalambula hata fimudwama vaki kuva vahanja vaki.

8 Ngiba mali dokwa shapatili kwa ugoleki, pitu kupata fitangalili kwa kubanja vandu.

9 Mundu akuwesha kugola milandu yaki yailatili, lakini Bambu Chapanga akulongushiwa kwa chila chagola.

10 Mutwa akulamula kwa kulongushiwa na Chapanga, na chila chadeta chiva telatela.

11 Bambu Chapanga akudayila tugoleli chigelu cha nakaka, migonguweli yosi ya chigelu yivelili mumhaku kagola mweni.

12 Vatwa vakukalala munu kugola fya wafu, kwanongwa wutwa ukudindashiwa kwa kugola haki.

13 Mutwa akumdayila mundu yadeta lipala heli, na akudayila mundu yadeta nakaka.

14 Maya va mutwa vakuwesha kuyegha njifwa, mundu yaveli na luhunja davasikishi maya vaki.

15 Wushu wa mutwa pawung'ala kuuveli unofu, usangi waki kucha lifundi lya chifuku.

16 Kuva na luhunja ndi nyanyi pitu chumang'andu, na kuva na umanyi nyanyi pitu mbiya.

17 Deha ya vagoleki vakwilyepa na wafu, yadima deha yaki akudima ngalilu yaki.

18 Lukilu lukuyegha nyanangiku, kwidumba kukuyegha kuwa.

19 Ngiba kuva mshishamoyu na kwikala na mgaju, pitu kuvaghana findu yifikamuliwa kumgoha na yivaveli na lukilu.

20 Yakombikesha ngayikilu daweshi, ngiba mundu yula yamushuvilila Bambu Chapanga.

21 Yaveli na luhunja mundima akukemiwa munaumanyi, filongu finofu fikukuvilisha ng'ulilu.

22 Luhunja ndi chiseselu cha unofu kwa yula yavelili nawu, lakini vapufi davahighiwi kwa upufi wawu.

23 Ndima ya yaveli na luhunja yikumugola adeti kwa luhunja, filongu finofu fikukuvilisha ng'ulilu yawu.

24 Filongu finofu fifwana na njuki, finova mundima na kuugola mvili usitapili.

25 Mundu akuwesha kuwona deha yaki yiva nyanyi, lakini pambeli yikumulongosha kunjifwa.

26 Dobukelu ya filivi yikumgola mundu agoli fichuku, nongwa njala yaki yikumkuvilisha agoli chichuku.

27 Mundu mwafu akusaka ndambu ya kugola uvifyi, filongu fyaki kucha motu mkali.

28 Mundu mvifyi akugola vandu valevi, na uhesi ukumbava mundu na ghanja mundu.

29 Mundu yavelili msugu akuvajanga vajofi vaki, yikumulongosha mudeha ya wafu. 30 Yakupisha lisu kwa uvifyi dagoli wafu, yaminula mlomu kayilata milandu ya wafu.

31 Kuva na soghi ndi kucha likokoma lya ukomi, mundu akupata kwa ngalilu ya ugoleki.

32 Yangajila maya va kalopu wa nyanyi pitu yaveli na liwovi, ngiba kwilongosha mweni pitu yayitola mbwani kwa mgoha.

33 Doo yikugoliwa ili kumanya dachifumbuki liki, lakini Bambu Chapanga ndi dalamuli.