1 Kotoo kwidumbila lijuva lya chilawu, kwanongwa kumanya ha dafibwituki nalelu.

2 kotoo kwijuma umweni, leki vandu vamonga vadeti,

3 Ligonguveli lisitu na muhanga msitu, lakini kuyashiwa na mundu mpufi kusitapa pitu fyosefi.

4 Maya ndi umakuluhu na chifuki chikomi ndi danganyishilu, lakini ghani yawesha kuulimba weyi.

5 Ngiba ngayikilu ya lipala, kuliku utami wufisikili kunda.

6 Mivanga kufuma kwa ghanja waku ndi manofu, lakini chimdwama waku pakunonela akukujanga hela.

7 Yayikutili akulema hata njuki, lakini yula yavelili na njala hata chila chikalipili kwa mweni chinova.

8 Mundu yayeleja kutali na kayaki, kava kucha mbongu yayeleja kutali na liyumba lyaki.

9 Mafuta va kunungilila na udi vakuyegha seku mundima, lakini ghanja yakuwombela nakaka ndi mnofu.

10 Kotoo kumleka ghanja vaku wala ghanja va tati waku. Kotoo kutuvila kwa mlongu waku, chipindi pawuva mugobuleku, ngiba mjofi yavelili pabehi, kuliku mlongu yavelili kutali.

11 Mwana wangu, wuvi na luhunja ili ndivi na seku mundima yangu, na nenga dang'weshi kumuwula mundu yoyonda yagolela mbedalu.

12 Mundu yavelili na luhunja akwififa pawona njifwa, lakini mpufi akwifumbusha kuwulongolu na akuwulaghiwa.

13 Mundu pakuvikila jangi ya kumuhadikila muhenja, toli yingwa ya yula yakuhadikilili muhenja.

14 Leki mundu pamnemela mjovi waki kwa lishu likomi, nemelu ayi dayivi lilapu.

15 Mdala mgombi majuva vosi, kava kucha mindwesi ya ndonya yingajila kupela, 16 Kumkayika mdadala ayu yiva kucha kuulimba uyegha, au kufubata mafuta va machi mumawoku.

17 Lyuma likunoliwa kwa lyuma limonga, wuwu wula mundu akuwuliwa na mundu monga.

18 Mundu yapalilila na kwitilila machi libiki ya likuyu daghalyi fivelekwa fyaki, na yamkimbanikila chilongosi datundamiliwi.

19 Yiva ngimu wuliwoneka lisisi lya wushu mumachi, ndi mundu wayiwona mweni wavelili.

20 Kumambi na danganyishilu majuva vosi fikwikuta ha, wuwula wula mesu va vandu vakwikuta ha.

21 Madini va mbiya na chumang'andu sikulingiwa kwa motu, ila mundu akulingiwa kwa jumu shaki.

22 Hata pawumtwanga mulituli mpufi pamu na filivi, dawuwushi ha upufi waki.

23 Lembeshi vang'ongolu vaku vawufughili, vafungami na vameni na vasenga wuvalembeshi kwa chiganu, 24 nongwa ulundamali wukuyikala jola ha, wala likokoma likwikala ha chileli mbaka chileli. 25 Chipindi midasi miyumu yikuhengiwa, midasi midodi yikutomola, na midasi ya kufidunda yikukungashiwa, 26 Vafungami davakugayili wagi wa kugolela yingwa, na vameni davakugoli upati fitava. 27 Vameni davakugayili majiva vatangalili kwa nongwa ya umweni na vandu va kayaku na vandumindumi vaku.