14 Bhahe, bhando ngabhoka muighono yabhe nukujhenda kujhomboka lukemba lwa Yoludane, akapiya matambiko bhakalitwekii Lichanduko lya Lilaghano na kwalongolela bhando. 15 Kipinde chenio ndi kikibha kipinde cha mahuno na lukemba Yoludane lukibha lutwelii hake, nambo papa tugha bhibhajhegha Lichanduko lya Lilaghano pubhahikita lukemba lwa Yoludane na njajho yabhe pilebhita muupele jha lukemba lwenio, 16 mache gheniya ghighakokwila kuhumii kundumba na ghajhakulundikana pahina na muche gwa Adamo ghubhii pahina na kubomane jhu ku Saletane. Mache gheniya ghighakokwa kujhenda ku mbwane jha lulambo lwa lukemba lwa Yoludane, yane mbwane jha Mwinyo. Bhando bhajhakujhomboka kujhenda pahina na muche gwa ku Yeliko. 17 Kipinde Akaichilahele pibhajhombwika, akapiya matambiko bhibhagheghita Lichanduko lya Lilaghano bhajhakujhema mulukemba chehemo nyomo ade pibhajhomolila kujhomboka bhando bhoha palukemba lwono.
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)