Abiniruni houn ha gaganbadibaña
1 Lariñaga Moisesi houn:
—Ánhabu gaganbadi lun Wabureme le Bubungiute le gumuti, adügabéime le lariñagubei lugumadin le uágubei nariñaga bun uguñe, líchugubadibu Bungiu hóugiñe sun gürigia ha ubouagubaña. 2 Ani lábürühaba sun abinirúni le buagun ladüga badügüni le lubeibei Wabureme le Bubungiute.
11 Larufudubei Bungiu lareini bun lau líchugun saragu irahüñü bun, gibe hagíame harahüñü bibiñanigu luma saragu alubahani lidan múa le meha uágubei láfiñura houn bagüchagu luagu líchugubei lan bun. 12 Ani daraléime lirisin-agei le siélubei bun, lun líchugun huya, le lemegeirubei bumúan; ani lawanseragüdübei sun buadigimari. Gayaraabei bafuredeihan houn saragu néchani, ánheinti buguya mamuriahanbadibu furedeiti luma ni aban.
23 Máhuyunbei huya bun siélugiñe; marandarun ligíame múa bun. 24 Lábürügüdüba Bungiu kaliki luma sagoun buagun leweñegua huya, darí bagünrinchagun,