ನಿರ್ಗಮನ್ 31

ದೆವಾಚ್ಯಾ ಇದ್ರಾಕ್ ಗುಡಿ ಕರ್ತಲಿ ಕಾಮ್ ಕಾರಾ

1 ಸರ್ವೆಸ್ಪರಾನ್ ಮೊಯ್ಜೆಕ್ ಅಸೆ ಮನುನ್, 2 ಮಿಯಾ ಜುದೆಯಾ ಕುಳಿಚ್ಯಾ ಹುರಾಚೊ ನಾತು ಅನಿ ಉರಿಚೊ ಲೆಕ್ ಬೆಚೆಲಾಕ್ ಎಚುನ್ ಘೆಟ್ಲಾ. 3 ಬೆಚೆಲ್ ಚಿತ್ರಾಂಚಿ ನುಂಪ್ ಕಾಮಾ ಕರುಕ್ ಅನಿ ಸೊನೆ ಚಾಂದಿ, ಅನಿ ತಾಂಬ್ಯಾಚಿ ಕಾಮಾ ಕರುಕ್, ತೆಕಾ ದಿವ್ಯಾಚೊ ಆತ್ಮೊ ದಿವ್ನ್, ಬುದ್ದ್, ಶಿಕ್ಷನ್ ಅನಿ ಚಿಂತ್ತಲಿ ಬುದ್ದ್ ಅನಿ ಸಗ್ಳ್ಯಾ ನಮುನ್ಯಾಚೆ ಶಿಲ್ಪಕಲಾಚೆ ಬುದ್ದ್ ದಿಲಾ. 4 ಬೆಚೆಲ್ ನುಂಪ್ ಕಾಮಾ ಕರುಕ್ ಅನಿ ಸೊನೆ ಚಾಂದಿ, ಅನಿ ತಾಂಬ್ಯಾಚಿ ಕಾಮಾ ಕರುಕ್, ಹಿ ಸಗ್ಳ್ಯಾ ನಮುನ್ಯಾಚಿ ಶಿಂಗಾರಾಚಿ ಕಾಮಾ ಕರ್ತಾ. 5 ರತ್ನಾ ಕೊರ್ದುಕ್ ಬರಿ ಸಾಮಾನಾ ಕರ್ತಾ, ಅನಿ ಝಾಡಾಚಿ ಕಾಮಾ ಕರ್ತಾ ಅನಿ ಸಗ್ಳ್ಯಾ ನಮುನ್ಯಾಚಿ ಕಾಮಾ ಕರ್ತಾ.