36 Manbı yəqqı’n əlyhə-əlyhə sa xhyannane cigeeqa qabı hiviyxhar. Vaziree eyhen:

– İnyaa xhyanıd. İnyaa zasqa gicərxı’y alyaat’as hidyaysaran kar vodee?

37 [Filipee eyhen:

– Ğu yik’eençe iman ha’axhee, eyxhe.

Vaziree eyhen:

– I’sa Masih Allahna dixva iman ha’an.]*8:37 İn ciga qiyğiyne aalimaaşe hexxı’ı.

38 Qiyğa mang’vee əmr haa’a daşk’a ulyozar he’ecenva. Filip mang’uka sacigee xhineeqa k’eç’e. Məxüd Filipee vazirıs gicərxı’y alyaat’a’a. 39 Xhineençe qığeepç’ımee, Rəbbine Rı’hı’n Filip alyart’u, mançe əq’ənaqa qıkkekka. Mang’uke g’abıynbışde hək’ee eyhesın kar deşin. Vazirık’le Filip sayır g’ece deş, mana şadra cune yəqqı’n ayk’anna.