5 ಅದ್ಮೆವ್ನೆ ಭಾಂದು ಕರ್ತುಥೂತೆ ಯೊ ಖ್ಹಯೇರ್ನಾಬಿ, ಗುಮಜ಼್ನಾಬಿ ದೇಖಾನ ಯೆಹೋವ ದೇವ್ ಉತ್ರಿನ್ ಆಯೊ. 6 ಯೆಹೋವ ದೇವ್ನೆ ದೇಖಿನ್, "ಅವ್ಣೆ ಎಕ್ಕಸ್ ಜ಼ಗ್ಜಾ಼ತ್; ಅವ್ಣುನ ಖ್ಹಾರಾಸ್ನ ಎಕ್ಕಸ್ಬೋಲಿ, ಆ ಅವ್ಣೆ ಶುರುವಾತ್ಮಾಸ್ ಕರಾನಿ ಖ್ಹೂಜ಼್ ಅವ್ಡಿ. ಅನಪಾರ್ ಅವ್ಣೆ ಶಾತ್ ಹೋಣುತೊಬಿ ಕರಾಖ್ಹರ್ಕು ಛಾ. 7 ಅವ್ಣಾಮ ಏಕ್ನಿ ಬೋಲಿ ಏಕ್ನ ಮಾಲುಮ್ ನಾಪಡ್ನುತೆ ತಿಮ್ ಅವ್ಣಿ ಬೋಲಿನ ಕಲಾವ್ಣಿ ಕರಿನಾಖಿಯೇ ಆವೊ" ಕರಿಬೋಲ್ಯೊ. 8 ಅಮ್ ಯೆಹೋವನೆ ಯೋಸ್ ಪರಕ್ಮ ಇವ್ಣುನ ಧರ್ತಿಪರ್ ಖ್ಹಾರುಸ್ ಛಿಡ್ಕಿನಾಖ್ಯೊ. ತದೆ ಇವ್ಣೆ ಯೊ ಖ್ಹಯೇರ್ ಭಾಂದಾನ ಭೀರಾಖಿದಿದು. 9 ತಮಾಮ್ ಜಗತ್ನು ಬೋಲಿನ ಯೆಹೋವ ದೇವ್ನೆ ಹಿಜ್ಜಾ಼ ಕಲಾವ್ಣಿಕರೀನ್, ಇವ್ಣುನ ಧರ್ತಿಪರ್ ಛಿದ್ರೈನಾಖಿದಿದೊತೆ ಇನಖ್ಹಾಜೆ ಯೊ ಖ್ಹಯೇರ್ನ "ಬಾಬೆಲ್" ಕರಿ ನಾಮ್ಹುಯು.
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)