ದೇವ್ನೆ ಅಬ್ರಾಮ್ನ ಬುಲಾಯೋತೆ
1 ಯೆಹೋವ ದೇವ್ನೆ ಅಬ್ರಾಮ್ನ, "ತೂ ತಾರ ಶೊಂತ್ ದೇಖ್ಹ್ನಾಬಿ, ಮಾಯಮಾತ್ರನ ಅಜು಼ ಬಾನ ಘರ್ನ ಮ್ಹೇಲಿನ್ ಮೇ ವತಾಳುತೆ ದೇಖ್ಹ್ನ ಚ಼ಲ್ಯೊಜಾ಼ 2 ಮೇ ತುನ ಮೋಟೊ ದೇಖ್ಹ್ ಬಣಾವುಸ್, ಮೇ ತುನ ಆಶೀರ್ವಾದ್ ದೆವುಸ್, ತಾರ ನಾಮ್ನ ಮೊಟು ಕರುಸ್, ತೂ ಆಶೀರ್ವಾದ್ನು ನಿಧಿ ಹುಯಿರಿಶ್. 3 ತುನ ಆಶೀರ್ವಾದ್ ಕರವಾಳನ ಮೇ ಆಶೀರ್ವಾದ್ ದೆವುಸ್; ತುನ ಹೇಟ್ಲಿ ನಜ಼ರ್ಥಿ ದೇಖವಾಳಾನ ಮೇ ಶಾಪ್ ದೆವುಸ್. ತಾರೇಥಿ ಧರ್ತಿನು ಖ್ಹಾರಸ್ ಖಾನ್ದಾನ್ನ ಆಶೀರ್ವಾದ್ ಉಶೆ" ಕರಿಬೋಲ್ಯೊ.
/images/a/WG5FS9VaSWVnVmV3VI8yP)
/images/a/a0208299-6f37-40a0-66e1-2576b9435f00)