6 ಚಾ಼ಳಿಖ್ಹ್ದನ್ ಹುವಾನ ಪಾರ್ ನೋಹಾನೆ ಇನೆ ಕರ್ಯೊತೆ ಜ಼ಹಾಜ಼್ನಿ ಕಿಟ್ಕೆನ ಕಾಡಿನ್ ಎಕ್ ಕಾಂಗಣ್ಣಾ ಭಾರ್ ಮ್ಹೇಲ್ಯೊ. 7 ಧರ್ತಿಪರ್ಥೂತೆ ಪಾಣಿ ಖ್ಹುಕಾವಲಗು ಯೊ ಕಾಂಗಣ್ ಆವಣ್ ಜಾ಼ವಣ್ ಕರುಕರ್ತುಥು. 8 ಅಮ್ರ್ಹಾವಪರ್ ಪಾಣಿ ಕಮ್ಹುಯುಕಿ ಕೊಯ್ನಿಕರಿ ಮಾಲುಮ್ ಕರಿಲ್ಯಾವನಖ್ಹಾಜೆ ನೋಹಾನೆ ಎಕ್ ಪರ್ಯಾವನ ಭಾರ್ ಮ್ಹೇಲ್ಯೊ. 9 ಕತೋಬಿ ಜ಼ಮೀನ್ಪರ್ ಪಾಣಿ ಥೂತೆ ಇನಖ್ಹಾಜೆ ಪರ್ಯಾವೊ, ಗೋಡೊಮ್ಹೇಲಾನ ಝ಼ಗೊ ದೆಖಾಯುಕೊಂತೆ ಫರೀನ್ ಪಾಛು಼ ಜ಼ಹಾಜ಼್ಕನ ಆಯು. ನೋಹಾನೆ ಹಾತ್ ಪೂರೈನ್ ಇನ ಧರೀನ್ ಜ಼ಹಾಜ಼್ಮ ಘಾಲಿಲಿದೊ. 10 ಇನೆ ಬಿಜು಼ ಖ್ಹಾತ್ ರೋಜ಼್ನ ಪಾರ್ ಪರ್ಯಾವನ ಪಾಛೊ಼ ಭಾರ್ ಮ್ಹೇಲ್ಯೊ. 11 ಖ್ಹಾಂಜೆ ಯೊ ಪರ್ಯಾವೊ ಪಾಛು಼ಫರಿನ್ ನೋಹಕನ ಆವಖ್ಹತರ್, ಇನ ಚೋ಼ಚ಼್ಮ ಒಲಿವ್ ತೇಲ್ನ ಝಾ಼ಡ್ನು ನವು ಚಿಗುರ್ಥು. ತದೆ ಇನೆ ಇನ ದೇಖಿನ್ ಪಾಣಿ ಧರ್ತಿಪರ್ಥು ಖ್ಹರಿಗಯುಕರಿ ಮಾಲುಮ್ ಕರಿಲಿದೊ. 12 ಪಾಛೊ಼ ಖ್ಹಾತ್ ರೋಜ಼್ನ ಪಾರ್ ಪರ್ಯಾವನ ಮ್ಹೇಲಾಖ್ಹತರ್ ಯೊ ಪಾಛು಼ಫರಿ ಇನಾಕನ ಆಯುಸ್ ಕೊಯ್ನಿ.
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)