1 Nipele ilongola ŵa mitundu ja Ŵalawi, ŵaajaulile Jwambopesi che Eleasali, ni che Yoshua mwana ju che Nuni ni achakulu ŵa mitundu ŵa ngosyo sya Ŵaisilaeli, 2 kwele ku Shilo ko mu chilambo cha ku Kanaani, ni ŵaasalile, "Ambuje Akunnungu ŵannajisye che Musa kuti tupegwe misi jakutama ni malo gakulichisya ilango yetu." 3 Nipele, mpela iŵalajisye Ambuje Akunnungu, Ŵaisilaeli ŵasagwile kutyochela mu malo ga ilambo yao misi ni misinda jakulichisya ilango ni kwapa Ŵalawi kuti gaŵe malo gawo.

4 Gudugudu jaandanda jaagwilile ŵandu ŵa mitundu ja Ŵakohati. Pasikati jawo, iŵelesi ya jwambopesi che Haluni ŵapegwilwe kwa gudugudu misi jijaliji pa malo ga ŵandu ŵa lukosyo lwa Yuda ni Simeoni ni Benyamini. Misi jiŵapegwilwe jaliji misi kumi na tatu.

5 Iŵelesi ine ya ntundu wa Ŵakohati ŵaŵasigalile ŵapegwilwe kwa gudugudu misi likumi kutyochela mu ngosyo sya Efulaimu ni Dani ni nusu ja lukosyo lwa Manase cha kungopochelo lyuŵa kwa Yolodani.

6 Ŵandu ŵa ntundu wa Gelishoni ŵapegwilwe kwa gudugudu misi kumi na tatu kutyochela mu ngosyo sya Isakali ni Asheli ni Nafutali ni nusu ja lukosyo lwa Manase chaupande wa ku Bashani.

7 Iŵelesi ya ntundu wa Melali ŵapegwilwe misi kumi na mbili kutyochela mu ngosyo sya Lobeni ni Gadi ni Sabuloni.

8 Kwayele, Ŵaisilaeli ŵaapele Ŵalawi misi jo pamo ni malo gakulichisya ilango mpela Ambuje Akunnungu iŵannajisye che Musa.

9 Aga ni meena ga misi kutyochela ku malo ga ngosyo sya Yuda ni Simeoni jiŵapele kwa kutenda gudugudu, 10 uŵelesi wa che Haluni jwambopesi, ŵaŵaliji ŵa pa ntundu wa Ŵakohati juŵaliji jwa lukosyo lwa Ŵalawi pakuŵa gudugudu jaandanda jaagwilile ŵanyawo. 11 Ŵanyawo ŵapegwilwe musi wa ku Kiliati Alaba, yaani Hebuloni pamo ni malo gakwe ga kulisisya ilango gagasyungulile mu chilambo cha matumbi cha ku Yuda. Che Alaba wo ŵaliji atatigwe che Anaki. 12 Nambo migunda pamo ni misinda jajisyungulile musi wa ku Hebuloni ŵaliji ampele che Kalebu mwana jwa che Yefune kuti jiŵe jakwe.

13 Kwayele uŵelesi u che Haluni jwambopesi, ŵapegwilwe musi wa ku Hebuloni, musi uwaŵichikwe pajika kuŵa musi wakuutuchila kwaligongo lya mundu jwauleje pangaŵa kwamele. Nombe ŵaapele misi ja ku Libina pamo ni malo gakwe gakulichisya ilango, 14 ni ku Yatili, pamo ni malo gakwe gakulichisya ilango ni ku Eshitemoa pamo ni malo gakwe gakulichisya ilango, 15 ni ku Holoni pamo ni malo gakwe gakulichisya ilango, ni ku Debili pamo ni malo gakwe gakulichisya ilango, 16 ni ku Aini pamo ni malo gakwe gakulichisya ilango, ni ku Yuta pamo ni malo gakwe gakulichisya ilango ni ku Beti Shemeshi pamo ni malo gakwe gakulichisya ilango, misi jose jijaliji mmalo ga ŵandu ŵa ngosyo siŵili syo, syaliji misi tisa. 17 Ku malo ga ŵandu ŵa lukosyo lwa Benjamini ŵaapele misi jine ja ku Gibeoni pamo ni malo gakwe gakulichisya ilango ni ku Geba pamo ni malo gakwe gakulichisya ilango, 18 ni ku Anatoti pamo ni malo gakwe gakulichisya ilango ni ku Alimoni pamo ni malo gakwe gakulichisya ilango. Misi jose jiŵapegwilwe jaliji misi ncheche. 19 Misi jose jiŵapegwilwe ŵambopesi ŵa uŵelesi u che Haluni, jaliji misi kumi na tatu pamo ni malo gakwe gakulichisya ilango.

20 Ŵandu ŵaŵasigalile ŵa ntundu wa Ŵakohati, ŵaŵaliji ŵa lukosyo lwa Ŵalawi ŵapegwilwe kwa gudugudu misi jao kutyochela ku malo ga ŵandu ŵa lukosyo lwa Efulaimu. 21 Ku chilambo cha ikwesya cha ku Efulaimu, ŵandu wo ŵaapele musi wa ku Shekemu uwaliji musi wakuutuchila ŵandu ŵauleje pangaŵa kwa mele, pamo ni malo gakwe gakulichisya ilango, ni ku Geseli pamo ni malo gakwe gakulichisya ilango, 22 ni ku Kibisaimu pamo ni malo gakwe gakulichisya ilango ni ku Beti Holoni pamo ni malo gakwe gakulichisya ilango. Misi jose jiŵapegwilwe jaliji ncheche. 23 Sooni pa malo ga ŵandu ŵa lukosyo lwa Dani ŵaapele musi wa ku Eleteke pamo ni malo gakwe gakulichisya ilango ni ku Gibetoni pamo ni malo gakwe gakulichisya ilango, 24 ni ku Aiyaloni pamo ni malo gakwe gakulichisya ilango ni ku Gati Limoni pamo ni malo gakwe gakulichisya ilango. Misi jose jiŵapegwilwe jaliji ncheche. 25 Kutyochela ku malo ga nusu ja ŵandu ŵa lukosyo lwa Manase, ŵaapele misi ja ku Taanaki pamo ni malo gakwe gakulichisya ilango ni ku Gati Limoni pamo ni malo gakwe gakulichisya ilango. Misi jose jiŵapegwilwe jaliji jiŵili. 26 Nipele, misi jiŵapegwilwe ŵandu ŵa ntundu wa Ŵakohati ŵaŵasigalile ŵala jaliji misi likumi pamo ni malo gakwe gakulichisya ilango.

27 Ŵandu ŵa paulongo wa Ŵalawi ŵa ntundu wa Gelishoni ŵapegwilwe misi jiŵili kutyochela pa nusu ja malo ga ŵandu ŵa lukosyo lwa Manase, musi wa ku Golani wauli ku Bashani, musi uwaliji wakuutuchila ŵandu wauleje pangaŵa kwa mele, pamo ni malo gakwe gakulichisya ilango, ni ku Beeshi Tela pamo ni malo gakwe gakulichisya ilango. Misi jose jiŵapegwilwe jaliji jiŵili. 28 Kutyochela ku malo ga ŵandu ŵa lukosyo lwa Isakali ŵapegwilwe musi wa ku Kishioni pamo ni malo gakwe gakulichisya ilango ni ku Dabelati pamo ni malo gakwe gakulichisya ilango, 29 ni ku Yalimuti pamo ni malo gakwe gakulichisya ilango ni ku Eni Ganimu pamo ni malo gakwe gakulichisya ilango. Misi jose jiŵapegwilwe jaliji ncheche. 30 Kutyochela ku malo ga ŵandu ŵa lukosyo lwa Asheli ŵapegwilwe musi wa ku Mishali pamo ni malo gakwe gakulichisya ilango ni ku Abidoni pamo ni malo gakwe gakulichisya ilango, 31 ni ku Helikati pamo ni malo gakwe gakulichisya ilango ni ku Lehobu pamo ni malo gakwe gakulichisya ilango. Misi jose jiŵapegwilwe jaliji misi ncheche. 32 Kutyochela ku malo ga ŵandu ŵa lukosyo lwa Nafutali ŵapegwilwe musi wa ku Kedeshi wauli ku Galilaya, musi uwaliji wa kuutuchila ŵandu ŵauleje pangaŵa kwa mele, pamo ni malo gakwe gakulichisya ilango, ni ku Hamoti Doli pamo ni malo gakwe gakulichisya ilango ni ku Kalitani pamo ni malo gakwe gakulichisya ilango. Misi jose jiŵapegwilwe jaliji jitatu. 33 Misi jose jiŵapegwilwe ŵandu ŵa paulongo wakupisyangana wa mitundu ja Ŵagelishoni jaliji misi kumi na tatu, pamo ni malo gakwe gakulisisya ilango.

34 Ŵalawi ŵane ŵaŵasigalile, ŵaliji ŵa ntundu wa Melali, nombewo ŵapegwilwe misi kutyochela mu malo ga ŵandu ŵa lukosyo lwa Sabuloni. Misi jo jaliji, ku Yokineamu pamo ni malo gakwe ga kulichisya ilango ni ku Kalita pamo ni malo gakwe gakulichisya ilango, 35 ni ku Dimina pamo ni malo gakwe gakulichisya ilango ni ku Nahalali pamo ni malo gakwe gakulichisya ilango. Misi jose jiŵapegwilwe jaliji ncheche. 36 Kutyochela ku malo ga ŵandu ŵa lukosyo lwa Lobeni, ŵapegwilwe musi wa ku Beseli pamo ni malo gakwe gakulichisya ilango ni ku Yahasi pamo ni malo gakwe gakulichisya ilango, 37 ni ku Kedemoti pamo ni malo gakwe gakulichisya inyama ni ku Mefaati pamo ni malo gakwe gakulichisya ilango. Misi jose jiŵapegwilwe jaliji misi ncheche. 38 Kutyochela ku malo ga ŵandu ŵa lukosyo lwa Gadi ŵapegwilwe musi wa ku Lamoti wauli ku Gileadi, musi uwaliji wakuutuchila ŵandu ŵauleje pangaŵa kwa mele, pamo ni malo gakwe gakulichisya ilango ni ku Mahanaimu pamo ni malo gakwe gakulichisya ilango, 39 ni ku Heshiboni pamo ni malo gakwe gakulichisya ni ku Yaseli pamo ni malo gakwe gakulichisya ilango. Misi jose jiŵapegwilwe jaliji ncheche. 40 Misi jose jiŵapegwilwe kwa gudugudu mitundu ja Ŵamelali, mitundu jijasigalile mu lukosyo lwa Ŵalawi, jaliji misi kumi na mbili pamo ni malo gakwe gakulichisya ilango.

41 Misi jose jaŵapegwilwe Ŵalawi mu chilambo chiŵachijigele Ŵaisilaeli ni kuchitenda chao, jaliji alobaini na nane pamo ni malo gakwe gakulichisya ilango. 42 Kila umo mwa misi jo wasyungulikwe ni malo gakulichisya ilango.

43 Kwayele Ambuje Akunnungu ŵaapele Ŵaisilaeli chilambo chose chiŵalumbilile kwapa achachekulu ŵao. Nombewo ŵachijigele chilambo ni kutama mwelemo. 44 Ambuje Akunnungu ŵaapele chitendewele palipose mu chilambo mo mpela iŵaalumbilile achachekulu ŵao. Nganapagwa jwammagongo jwalijose juŵalinjile kuputana nawo ni kupunda, pakuŵa Ambuje Akunnungu ŵaatesile Ŵaisilaeli ŵaapunde ŵammagongo ŵao wose. 45 Nganichipagwa namose chilanga chilichose chiŵaalanjile Ambuje Akunnungu kwa Ŵaisilaeli changamalila. Ilanga yose yamalile.