1 Ta̱wa̱i ci yaꞋan ishipa i ma̱za̱nga̱ u Vuzavaguɗu,

ci cananai ishipa i ma̱za̱nga̱ u katali ka wishi ka̱ tsu.

2 YaꞋan tsu ta̱wa̱ e kelime ka̱ ni n kucikpa,

ci cananai ishipa i ma̱za̱nga̱ n kucikpa.

3 Adama a na Vuzavaguɗu Ka̱shile ka gbayin kaꞋa,

mogono ma gbayin maꞋa wa̱ a̱ma̱li ra̱ka̱.

4 Wi ta̱ o tsugono tsa aduniyan ra̱ka̱,

a ɗaka va aɓatsu atali a kubana,

a nsasan mu ugaɗi.

5 Mala ma̱ ni maꞋa, adama a na a̱yi ɗa u yaꞋin maꞋa,

n ekiye a̱ ni a ɗa u yaꞋin iɗika i ɗekpu.

6 Ta̱wa̱i tsu kuɗa̱ngi ci yaꞋankai ni a̱ga̱nda̱,

yaꞋan tsu kuɗa̱ngu e kelime,

ka Vuzavaguɗu, vuza na u yaꞋin tsu.