Atos 16

Baawlooswa Siilaaswa oosjin daayaan

16 Yint gaat hinin toosileelti mhiin bayee, oot kishiyaat nimri. Batuuh toona tugayii tiiktiit sooyiin jin tiibri. Batuuh oon ushagaay yꞌankwanaayeeh gwida mhallaga rayiista. 17 Tꞌoor tukishiya Baawlooswa hinin eerawwa timooraam hoon, aree waliikee, "Aan aanda Ukwaasana Utageegaanaay shagaamanaaba! Kak umidhhan timeerneeb sooyeen hookna." tidi. 18 Batuuh beet toona gwidaat yina sakta. Malya Baawloos yhasi, aree nakamiyaayt eejinee dehaay, "Yasuuꞌaab Umasiihi simii bhaliisamani hookna, toon tꞌoor hooy firꞌana!" idi. Aajin gaalhoob tꞌoor hooy giigiyaan.