Faptili 12:5,7,10,12-16

5 Cãndu Petrul eara tu hapsi, bisearica lji si ruga a Dumnidzãlui cu tutã inimã trã nãsu. 7 Niashtiptat, s-fãnirusi un anghil a Domnului sh-chilia s-lunjinã di unã lunjinã. Anghilu lu-acãtsã Petrul di coastã sh-lji dzãsi: "Scoalã-ti trãoarã!" Atumtsea singirili lj-cãdzurã di mãnji. 10 Cãndu tricurã protlu vigljitor sh-a doilu, agiumsirã la poarta di her, tsi ti dutsea tu cãsãbã. Ea s-discljisi singur. Elji ishirã sh-pitrumsirã unã cali, ma niashtiptatã anghilu s-dipãrtã di la nãsu. 12 Cum u-aduchi aestã, s-dusi la casa ali Marii, muma al Ioan, tsi s-acljima sh-Marcu. Aclo eara adunat multsã trã rugari. 13 Petrul asunã la poarta di-nafoarã. Unã huzmichearã cu numa Roda vini la poartã s-videa. 14 Cãndu avdzã boatsea al Petru, ea s-hãrsi ahãntu multu, cãt andi s-discljidea poarta s-dusi trãoarã nãuntru sh-hãbãrsi cã Petrul eara nãintea a poartãljei. 15 Elji lj-dzãsira: "Tini nu eshti ghini." Ma ea ipiminisi cã eara dealihea. Atumtsea elji dzãsirã: "Easti anghilu a lui." 16 Petrul asuna dipriunã la poartã. Cãndu discljisirã poarta, elji lu vidzurã shi s-ciudisirã.