Mwaluko 11

5 Lelo Mkulu Nguluwi nakalola hasi kuli honhu hao na ilingo lyowalinguzenga wanhu awo. 6 Mkulu Nguluwi nakalonga, "Wone wanhu wa isi imwe walingulonga ndonga imwe nawaluka kudita mbuli yino, lelo kwa chiwalo acho, chinhu choneche chowonuwila kudita, wochidita ne kulemwela. 7 Lelo tuduliche na kuiwifya ndonga ya hewo, leka waleche kikundiza." 8 Ahyo, Mkulu Nguluwi nakawasambalula honhu heng’ha muisi, nawo nawaleka kuuzenga muji wula. 9 Muji awo nauchemigwa Babuloni, kwa vila ako ndo Mkulu Nguluwi koyaiwifye ndonga ya hewo na kulawa ako Mkulu Nguluwi nakawasambalula wanhu chila honhu muisi.*11:9 Babuloni Ulonzi Babuloni kwa Chiebulaniya ndo kutigulanga.