Evangelium Matäus 15

3 Hee oba auntwuad un säd to äant: Wuarom äwaträd jie Gott sien Jeboot wäajens june Ordnunk? 4 Wiels Gott haft jeboden un sajcht: "Iea dienen Voda un diene Mutta" un: "Wäa Voda ooda Mutta flieekjt, saul dän Doot stoawen". 5 Oba jie sajen: Wäa toom Voda ooda to de Mutta sajcht: "Daut es eene Weigow, waut die von mie sull togood komen", dee es frie; 6 un ieet sienen Voda un siene Mutta nich, soo hab jie Gott sien Jeboot oppjehowen wäajens june Ordnunk. 7 Jie Heichla, Jesaja haft von junt gaunz rajcht jeprofezeit, wan hee sajcht: 8 "Dit Volkj nodat sikj Mie met äa Mul un ieet Mie met de Leppen, oba äa Hoat es wietauf von Mie. 9 Oba vejäfs bäden see Mie aun, wiels see lieren soone Lieren, dee Menschen-Jebooten sent."