Gênesis 47

7 Ookkoneechchi uduma Yooseefi anna ifika Ya’iqoobi’i Feri’oonba iyyemarre; Ya’iqoobinna Feri’ooni’i eebbise. 8 Feri’ooninna Ya’iqoobii, «Wogga atixxi me’ete?» Hiyye isoo qore.

9 Ya’iqoobinna Feri’ooni’i hiyyee qici: «Ani bogakenaa’n boga mammarema’n turennexxi dhibbanna sase tomme woggan; tinninna annuwwi no’ok bogakenaa’ni boga mammarema’ni turreexxe wogguwwanni qixxoottaabaaxxennaa rakko callixxen» hiyye. 10 Ookkoneechchi uduma Ya’iqoobi Feri’oon eebbiseexxi Feri’oon edii’n fule mee.

11 Yooseefinna anna ifikanna dayyuwwa ifika Gibtseke boga’n he’naashsha asse; Feri’ooni ajajemmashshanni Gibtse bogika eloka booncho, Ramse giddo insa’ne’a qadaachche uwwe. 12 Yooseefinna anna ifikee dayyuwwa ifikeenna ifike annike mini hadi duuchchi’a insa’nexxe ooseke laakkossixxe qixxe’n midha insa’ne’a uwwendaashsha asse.