Lucas 1

Maariyaamixxa Galatiinxa Faaro

46 Maaraminna hitee qico,

«Lubbo anxi Gootta jajja;✝1:46 1 Sam. 2:1-10.

47 Hedho anxinna Mageno anke anjirallo’n gammadda;

48 Isi anee heenooxxe isixxe garbitteka salphinne uudedheeken.

Telchinni edi’a ila duuchcha ane’e eebbisendeettexxe hitaan;✝1:48 1 Sam. 1:11.

49 Lumoke kade’ek Magen isi

ane’n lumoxxe yaane asse’eeken; summi isikinna woyyichchake.

50 Gattowwaali isixxinna

isoo sodaataakeeri’a ilatenaa’n ilati qico’n hexxaan.

51 Hirre ifixxenni jabaxxe yaane asse’e;

ifi giddo ifi dukammaka duuchchaara yaada insa’neengeninni xeere’een.

52 Galchalluwwa mootetenaa’n finqilche’een

tuffatemeeka manna kinni lummise’een.✝1:52 Iyo. 5:11; 12:19.

53 Solo’weekaara eloxxe yaanenni goddise’een;

dureeyye kinni duwwixxe anganni me’itaashsha asse.

54 Gattowwaal ifixxen

erganjo ifika Isira’eeli’i gargaare’een;

55 Tinninna annuwwa no’oke’n haaso’emmashsha

Abirihaami’aanna horte isixxee’e hiyyemmaxxa duuchchi woddi’a heqqo’aaten.»✝1:55 Dada. 17:7.