15 «Atik dayyi atee balleesseexxe kaddoole martettexxi atinna isinni calli mitteba hexxineeba isixxa belleessa iso’n kul. Hiteettexxa laqeexxi higeexxe kaddoole atika dayyo haaroba ifike assexxatton.✝18:15 Luq. 17:3. 16 Hitettexxa laqa giboole kinni lame yookaan sase dhugaa kula manjixxi yaane kokeessitammaxxee langaxxa lame yookaan sase manjo ifi’n lephphi.✝18:16 Lan. 19:15. 17 Insa’ne hinaaxxanna laqa giboole marte tennee Mageniinxe tuuta’n kuli; Mageniinxa tuutaxxanna laqa giboole isoo Mageno ege’nebaake yookaan qaraxammake manjishsha laakko’i.