ତମ୍ୱୁସିଙ୍
1 ଆମନ୍ ଦସ୍ଟା ଡରଙ୍କାବନ୍ ବାତ୍ତେ ଅବୟ୍ ସରେବା ତମ୍ବୁସିଙନ୍ ତୁବା, ଆରି ଅମ୍ମଗଡ୍ ନିଡ଼ି, କରୋମାବ୍ ଡ ଲୁଲୁତାଡ଼େରନ୍ ବାତ୍ତେ ତନୁବନ୍ ଡେତେ, ଆରି କିରୁବଞ୍ଜି ଆମୁକା ଆତୁବ୍ତୁବ୍ ଡକୋତନ୍ ।
7 ସରେବା ତମ୍ବୁସିଙନ୍ ଆତୋଣ୍ଡୋ ୟନୁମନ୍ ଆସନ୍ ଓବ୍ବାମେଡନ୍ ଆଉପ୍ପୁର୍ ବାତ୍ତେ ଏଗାର୍ଟା ଡରଙ୍କାବନ୍ ତୁବା ।
14 ତମ୍ବୁନ୍ ଆଡନଙ୍ ଆସନ୍ ଅବୟ୍ ଲୁଲୁ ମିଞାମନ୍ ଅନ୍ତମ୍ ମେଣ୍ଡାସାଲନ୍ ଆ ବୁଲେଙନ୍ ତୁବା, ଆରି ତି ଆତୋଣ୍ତୋ ଲମନ୍ ଉସାଲ୍ ବାତ୍ତେ ଅବୟ୍ ବୁଲେଙନ୍ ତୁବା ।
15 ଆମନ୍ ସରେବା ତମ୍ବୁସିଙନ୍ ଆସନ୍ ସିଟିମ୍ ଅରାନ୍ ବାତ୍ତେ ଆତନଙ୍ ପଟ୍ଟାଞ୍ଜି ତୁବା । 31 ଆରି ଆମ୍ୱେନ୍ ନିଡ଼ି ଡ କରୋମାବ୍ ଡ ସିଣ୍ଡରନ୍ ଡ ଆଅଙିଡନ୍ ଜେଏ ଲତୁମ୍କାବ୍ଲୋଙ୍ ଅବୟ୍ ଡରଙ୍ନେକାବନ୍ ତୁବା; ତିଆତେ ତନ୍ରୁବନ୍ ଆଗରୟ୍ଡମ୍ତେନ୍ ଆମନ୍ରା ଆ କାବ୍ବାଡ଼ାଲୋଙ୍ କିରୁବଞ୍ଜି ଆତନାଲ୍ମଡ୍ ଅନ୍ତମ୍ ତନୁବନ୍ଡେତେ । 33 ଆରି ଗୁଣ୍ତିନ୍ ଆଜାୟ୍ତା ଅଡ଼୍କୋନ୍ ଡରଙ୍ନେକାବନ୍ ୟୁଡ୍ଲେ, ତି ଆ ଡରଙ୍ନେକାବ୍ ଆମଙ୍ବା ସାକିନ୍ ଅନ୍ତମ୍ ପେଲାନ୍ ପାଙାୟ୍ବା; ସିଲତ୍ତେ ତି ଆଡରଙ୍ନେକାବ୍ ମଡ଼ିର୍ ଡରକୋନେ ଡ ସୋଡ଼ାମଡ଼ିର୍ ଡରକୋନେନ୍ ଜାୟ୍ ରୟ୍ତାଡ୍ତେ ।