1 ତିସିଲଡ୍‌ ମନ୍‌ରାଞ୍ଜି ମୋସାନ୍‌ଆଡଙ୍‌ ଆସନ୍‌ ପ୍ରବୁନ୍‌ ଆବନାଁୟ୍‌ବର୍‌ଲୋଙ୍‌ ନିଡ଼ି, କରୋମାବ୍‌, ଡ ଲୁଲୁ ତାଡ଼େରନ୍‌ ବାତ୍ତେ ମଡ଼ିର୍ ଡରକୋନେଲୋଙନ୍‌ ସନେବାନ୍‌ ଲନୁମନ୍‌ ଆସନ୍‌ ଗନୁଗୁନ୍‌ ଆସିନ୍‌ରି ତୁବେଞ୍ଜି, ଆରି ଆରୋଣନ୍‌ ଆସନ୍‌ ମଡ଼ିର୍‌ ସିନ୍‌ରିନ୍‌ ତୁବେଞ୍ଜି । 2 ଆରି ଆନିନ୍‌ ସୁନ୍ନାନ୍‌ ବାତ୍ତେ ନିଡ଼ି, ଦୁମ୍ର, ଲୁଲୁ ଡ ଜେଏ ତାଡ଼େରନ୍‌ ବାତ୍ତେ ଏପୋଦ ସିନ୍‌ରିନ୍‌ ତୁବେଞ୍ଜି । 3 ଆନିଞ୍ଜି ସୁନ୍ନାନ୍‌ ଉୟ୍‌ଲେ ମେତଙ୍‌ ସିମନ୍‌ ଏମ୍ମେଲେ ଅନପ୍ପମ୍‌ ବାତ୍ତେ ନିଡ଼ି, ଓମୋଡ୍‌, ଲୁଲୁ ଡ ଜେଏ ଲମନ୍‌ତାଡ଼ରନ୍‌ ନିୟ୍‌ ତନାୟନ୍‌ ଆସନ୍‌ ତିଆତେ ଗଲ୍ଲେ ତୁବେନଞ୍ଜି । 4 ଆନିଞ୍ଜି ରମ୍ମଙ୍‌ ରମ୍ମଙ୍‌ ମାୟ୍‌ଲନ୍‌ ତାରଙେଞ୍ଜି ତିଲୋଙ୍‌ ବାଗୁବ୍ବବନ୍‌ ରମ୍ମଙ୍‌ ରମ୍ମଙ୍‌ ଆବବ୍‌ ମାୟେଞ୍ଜି । 5 ମସାନ୍‌ ଆଡଅଙ୍‌ ପ୍ରବୁନ୍‌ ଆବନାଁୟ୍‌ବର୍‌ ଅନ୍ତମ୍‌ ଏପୋଦନ୍‌ ଆତୋଣ୍ତୋ ଅଙ୍ଗା ଆସିତ୍ରଜି ଅସୋୟ୍‌ ଡକୋଏନ୍‌, ତିଆତେ ନିୟ୍‌ ଆଲ୍‌ନୁମ୍‌ଲୋଙ୍‌ ସୁନ୍ନାନ୍‌, ନିଡ଼ିନ୍‌, ଓମୋଡ୍‌, ଲୁଲୁ ଡ କବୁଙ୍‌ ମନଙ୍‌ ଜେଏକାବନ୍‌ ବାତ୍ତେ ଗଡେଲେନ୍‌ । 6 ଆରି ଆନିଞ୍ଜି ଇସ୍ରାଏଲ ଆ ଡାଙ୍ଗାଡ଼ାଅନଞ୍ଜି ଆଞୁମ୍‌ ଲୋଙନ୍ ଅଡ଼୍‌କୋନ୍‌ ତାଙେଞ୍ଜି ଡ ସୁନାନ୍‌ଲୋଙନ୍‌ ଆତାଙ୍‌ତାଙ୍‌ ବାଗୁ ଗୋମେଦକ ମଣିନ୍‌ ତୁବେଞ୍ଜି । 7 ଆରି ଆନିନ୍‌ ପ୍ରବୁନ୍‌ ଆବର୍ନେଲୋଙ୍‌ ଏପୋଦନ୍‌ ବାଗୁ ତାରଙନ୍‌ ଆତୋଣ୍ତୋ ଇସ୍ରାଏଲଞ୍ଜି ଆ ଅନଞ୍ଜି ଅନିୟମନ ଆସନ୍‌ ମଣିନ୍‌ ଅନ୍ତମ୍‌ ତିଆତେ ଡକୋଏଞ୍ଜି ।

8 କେନ୍‌ସିଲଡ୍‌ ଆନିଞ୍ଜି ଡରଙ୍‌ମାଁୟ୍‌କାବନ୍‌ ତୁବେଞ୍ଜି, କେନ୍‌ ଆଲନୁମ୍‌ ମନଙ୍‌ ଆତରୁବ୍‌ତେନ୍‌ ଆମନ୍‌ରାଜି ଆସନ୍‌ ଡକୋଏନ୍‌ । କେନ୍‌ଆତେ ଏପୋଦନ୍‌ ଅନ୍ତମ୍‌ ଡକୋଏନ୍‌ । କେନ୍‌ଆତେ ସୁନ୍ନାନ୍‌, ନିଡ଼ି, ଆରି ଇନ୍‌ଡାରାୟ୍‌ଗୋ, ସିଣ୍ଡରନ୍‌, ଡ ଲମନ୍‌ ଜେଏ ମନଙ୍‌ ସରୁତାଡ଼େରନ୍‌ ବାତ୍ତେ ତନୁବନ୍‌ ଡେଏନ୍‌ । 9 ତିଆତେ ଉଞ୍ଜିକୁନେନ୍‌ ଡକୋଏନ୍‌, ଆନିଞ୍ଜି ଡରଙ୍‌ନେକାବ୍ବ୍‌ଲୋଙନ୍‌ ବେଲେ ବସନ୍ତି ମନ୍‌ଲୟ୍‌ ସନ୍ତି ଡନେଙ୍ଗାନ୍‌ ଡ ବସନ୍ତି ଲନାଙନ୍‌ ତୁବେଞ୍ଜି । 10 ଆରି ନିୟ୍‌ ଉଞ୍ଜିରେଙନ୍‌ ମଣିନ୍‌ ତାଙେଞ୍ଜି ତି ଆପର୍ତମ୍ମୁନ୍‌ ଡାଡ଼ିଲୋଙ୍‌ ଚୁଣିନ୍‌ ପିତମଣିନ୍‌ ଡ ମରକତ, 11 ବାଗୁଡାଡ଼ିଲୋଙନ୍‌ ପଦ୍ଣରାଗ,ନିଡ଼କାନ୍ତ ଆରି ଇରକ, 12 ୟାଗିଡାଡ଼ିଲୋଙନ୍‌ ପରରୋଜ,ଜିସ୍ମ ଗନଡନ୍‌ଡେଏନ୍, 13 ଆରି ଉଞ୍ଜି ଡାଡ଼ିଲୋଙନ୍‌ ବଇଦୁର୍ଜ୍ୟ,ଗୋମେଦକନ୍‌ ଡ ସୁର୍ଜକାନ୍ତ ମଣିନ୍‌ ଡକୋଏନ୍‌; କେନ୍‌ ଅଡ଼୍‌କୋନ୍‌ ଆମଣି ସୁନାନ୍‌ଲୋଙନ୍‌ ଡନକ୍କୋନ୍‌ ଡେଏନ୍‌ । 14 ଆରି ଇସ୍ରାଏଲ ମରଞ୍ଜି ଆଡାଙ୍ଗାଡ଼ାଅନ୍‌ ଆଞୁମ୍‌ କେନ୍‌ ଅଡ଼୍‌କୋନ୍‌ ଆମଣି ଆନିଞ୍ଜି ଆଞୁମ୍‌ଲୋଙନ୍‌ଞ୍ଜି ବାର୍‌ସଅ ଡେଲୋ ଡ ଅବୟ୍‌ ଅବୟ୍‌ ମଣିନ୍‌ ବାର୍‌ସଅ କେଜ୍ଜାମରଞ୍ଜି ଅବୟ୍‌ ଅବୟ୍‌ ଆଞୁମନ୍‌ ଡକୋଲନ୍‌ । 15 କେନ୍‌ ସିଲଡ୍‌ ଆନିଞ୍ଜି ଡର୍ରଙ୍‌ଡଙ୍‌କାବନ୍‌ ମନଙ୍‌ ସୁନ୍ନାନ୍‌ ବାତ୍ତେ ମାଡ଼ାନ୍‌ ଅନ୍ତମ୍‌ ଲୁଆଡ୍‌ ସିଙ୍ଗୁଡ଼ିନ୍‌ ତୁବେଞ୍ଜି । 16 ଆନିଞ୍ଜି ବାଗୁ ସୁନ୍ନାନ୍‌ ଆଡରକ୍କୋ ଆରି ବାଗୁ ଏନ୍‌ସିନ୍‌ ତୁବ୍‌ଲେ ଡରଙ୍‌ମାଁୟ୍‌କାବନ୍‌ ଆ ବାକୁନେ କେନ୍‌ ବାଗୁ ଏନ୍‌ସିନ୍‌ ଜୁଡ଼େଏଞ୍ଜି । 17 ଆରି ଡନଙ୍‌ଡଙ୍‌କାବନ୍‌ ଅନେଙ୍‌ରେଙନ୍‌ ବାଗୁ କାଡ୍ଡୁନ୍‌ ଲୋଙନ୍‌ ନିୟ୍‌ ବାଗୁ ମୋଡ଼ାନ୍‌ ସୁନ୍ନାନ୍‌ ଆ ସିଙ୍କୁଡ଼ି ୟୁଡେଞ୍ଜି । 18 ଆରି ମୋଡ଼ାନ୍‌ ସିଙ୍କୁଡ଼ିନ୍‌ ବାଗୁ ଅନେଙ୍‌ ଆସୁବ୍‌ଗଡ୍‌ ଡଙ୍‌ଲେ ଏପୋଦନ୍‌ ଆମୁକ୍କାବାନ୍‌ ବାଗୁ ଆତୋଣ୍ତୋ ଡକୋଏଞ୍ଜି । 19 ଆରି ଆନିଞ୍ଜି ବାଗୁ ସୁନାକଡ଼ାନ୍‌ ତୁବେଞ୍ଜି କି ଡର୍ରଙ୍‌ଡଙକାବନ୍‌ ବାଗୁଅନେଙ୍‌ଗଡ୍‌ ଏପୋପନ୍‌ ଆମୁକା ଆ ଅମ୍ମଗଡ୍‌ ଡକୋଏଞ୍ଜି । 20 ଆନିଞ୍ଜି ଆରି ବାଗୁ ସୁନ୍ନା ଏନ୍‌ସିନ୍‌ ତୁବ୍‌ଲେ ଏପୋଦନ୍‌ ବାଗୁ ତାରଙନ୍‌ ଆଜାୟ୍‌ତା ସରୁ ଉସାଲନ୍‌ ଆଜାୟ୍‌ତା ତି ଆମୁକ୍କାଗଡ୍‌ ଆମାୟ୍‌ନେଲୋଙ୍‌ ଏପୋଦନ୍‌ ଆସିତ୍ର ଆତୋଣ୍ତୋ ତିଆତେ ଡକୋଏଞ୍ଜି । 21 ଆରି ଡରଙ୍‌ମାୟ୍‌କାବନ୍‌ ଏଙ୍ଗାଲେ ଆତୁବ୍‌ତୁବ୍‌ସିତ୍ରନ୍‌ ତୁଣ୍ତୁନ୍‌ ଡକୋଲନ୍‌ ଏପୋଦନ୍‌ ଏଙ୍ଗାଲେ କି ଅନ୍ନେସେଡାୟ୍‌, ତି ଆସନ୍‌ ଆନିଞ୍ଜି ଡରଙ୍‌ନେକାବନ୍‌ ଆ କଡ଼ାଞ୍ଜି ବାତ୍ତେ ନିଡ଼ି ତାଡ଼େରନ୍‌ ବୟନ୍‌ ଏପୋଦନ୍‌ କଡ଼ାନ୍‌ଲୋଙ୍‌ ତୁଡବ୍‌ଲେ ଡକୋଏଞ୍ଜି ମସାନ୍‌ ଆଡଙ୍‌ ପ୍ରବୁନ୍‌ ଆବନାୟ୍‌ବର୍ର କେନ୍‌ ଆତେ ବାଞେନ୍‌ ।

22 କେନ୍‌ସିଲଡ୍‌ ମସାନ୍‌ ଆଡଙ୍‌ ପ୍ରବୁନ୍‌ ଆବନାଁୟ୍‌ବର୍‌ ଅନ୍ତମ୍‌ ଆନିନ୍‌ ତନାଁୟ୍‌ କାବ୍ବାଡ଼ାଲୋଙନ୍‌ ଏପୋଦନ୍‌ ଆଗରୁସାୟ୍‌ ଅଡ଼୍‌କୋନ୍‌ ନିଡ଼ି ଏମ୍ମେଏନ୍‌ । 23 ତି ଆ ଅମ୍ମଅଙ୍ଗି ଆମଡ୍ଡିଲୋଙ୍‌ 24 ଆରି ଆନିଞ୍ଜି ଆଲୁଡ୍‌କାବ୍‌ ଅଡ଼୍‌କୋନ୍‌ ଆନେଙ୍‌ରେଙ୍‌ ନିଡ଼ି ଡ ଲୁଲୁ ଲମନ୍‌ ତାଳେରନ୍‌ ଡାଡ଼ିମ୍ୱନ୍‌ ତୁବେଞ୍ଜି । 25 ଆରି ଆନିଞ୍ଜି ଡାଡ଼ିମ୍ୱନ୍‌ ଲୋଙନ୍‌ ନିୟ୍‌ ସୁନ୍ନାନ୍‌ ଆଡୁଆରା ତଡ଼େଙନ୍‌ ଆଲୁକ୍କାବ୍‌ରେଙନ୍‌ ଅଡ଼୍‌କୋନ୍‌ ଡାଡ଼ିମ୍ୱନ୍‌ ନିୟ୍‌ ଡକୋଏଞ୍ଜି; 26 ସେବାନ୍‌ ଆଲୁକ୍କାବ୍‌ରେଙନ୍‌ ଅଡ଼୍‌କୋରେଙନ୍‌ ଅବୟ୍‌ ତଡ଼େଙନ୍‌ ସିଲଡ୍‌ ଅବୟ୍‌ ଡାଡ଼ିମ୍ୱନ୍‌ ଡ ଅବୟ୍‌ ତଡ଼େଙନ୍‌ ଅବୟ୍‌ ଡାଡ଼ିମ୍ୱନ୍‌ କେନ୍‌ ଅନ୍ତମ୍‌ ତୁବେଞ୍ଜି । 27 କେନ୍‌ ସିଲଡ୍‌ ମସାନ୍‌ ଆଡଙ୍‌ ପ୍ରବୁନ୍‌ ଆବନାଁୟ୍‌ବର୍‌ଲୋଙ୍‌ ଆନିଞ୍ଜି ଆରୋଣନ୍‌ ଡ ଆଡାଙ୍ଗାଡ଼ାଅନ୍‌ ଆସନ୍‌ ମନଙ୍‌ ଲମନ୍‌ତାଡେରନ୍‌ ବୟନ୍‌ ସିନ୍‌ରିୟ୍‌ଲୋଙନ୍‌ ସିତ୍ରନ୍‌ ତୁବେନ୍‌ । 28 ଲମନ୍‌ ତାଡ଼େରନ୍‌ ବୟନ୍‌ ରନେବ୍ବନ୍‌ ତୁବେଞ୍ଜି ମନଙ୍‌ ଲମନ୍‌ ତାଡ଼େରନ୍‌ ବୟନ୍‌ ଟୁପିନ୍‌ ଡ କବୁଙ୍‌ ଲମନ୍‌ତାଡ଼େରନ୍‌ ଜେଏ ଜରିଜି ତୁବ୍‌ବାଜି । 29 ଆରି ଲମନ୍‌ ମନଙ୍‌ ନିଡ଼ି ଦୁମ୍ର ଡ ଲୁଲୁ ତାଡ଼େରନ୍‌ ମନଙ୍‌ କାବ୍ବାଡ଼ାନ୍‌ ଅବୟ୍‌ ଜନିଡୁବନ୍‌ ତୁବେଞ୍ଜି । 30 କେନ୍‌ ସିଲଡ୍‌ ମସାନ୍‌ ଆଡଙ୍‌ ପ୍ରବୁନ୍‌ ଆବନାୟ୍‌ବର୍ର ଆନିଞ୍ଜି ମନଙ୍‌ ସୁନ୍ନାନ୍‌ ମଡ଼ିର୍‌ ରନୁବ୍ବ୍‌ନ ଆସିମ୍ମା ତୁବ୍‌ଲେ ତାଙେଞ୍ଜି ରଡ଼ୋସିମନ୍‌ ତି ଆତୋଣ୍ତୋ "ପ୍ରବୁନ୍‌ ଆସନ୍‌ କେନ୍‌ ଆତେ ଇଡେଞ୍ଜି ।" 31 ଆରି ତୋଣ୍ତୁନ୍‌ ରନେବ୍ବନ୍‌ ଡନକୋ ଆସନ୍‌ ତିଆତେ ନିଡ଼ି ତାଡ଼େରନ୍‌ ଜିଏଞ୍ଜି ।

32 କେନ୍‌ ଅନ୍ତମ୍‌ ସରେବା ତମ୍ବୁସିଙନ୍‌ ଅନ୍ତମ୍‌ ସରେବା ତମ୍ବୁସିଙନ୍‌ ଅଡ଼୍‌କୋନ୍‌ ଆକାବ୍ବାଡ଼ା ସୁଜ୍ଜେନ୍‌; ତିଆତେ ଇସ୍ରାଏଲ ମରଞ୍ଜି ତୁବେଞ୍ଜି ମସାନ୍‌ ଆଡଙ୍‌ ପ୍ରବୁନ୍‌ ଆବନାଁୟ୍‌ବର୍‌ ଅନ୍ତମ୍‌ ଆନିଞ୍ଜି ଲୁମେଞ୍ଜି । 33 କେନ୍‌ ସିଲଡ୍‌ ଆନିଞ୍ଜି ମସାନ୍‌ ଆମ୍ମଙ୍‌ ତି ସରେବା ତମ୍ବୁସିଙନ୍‌ ପାଙ୍‌ଲାଜି, ଆଗ୍ରାମ୍‌ଗାମ୍‌ ତମ୍ୱୁନ୍‌ ଡ ତି ଅଡ଼୍‌କୋନ୍‌ ଆସିମ୍ମା, ଆନ୍ନାଲନ୍‌ ଡ ଅଙ୍ଗିନ୍‌; 34 ଆରି ଲୁଲୁ ମେଣ୍ଡାନ୍‌ ଆଉସାନ୍‌ ବାତ୍ତେ ଆତୁବ୍‌ତୁବନ୍‌ କିମେଡନ୍‌ ଡ ସିସୁକ ଆ ଉସାଲ୍‌ ବାତ୍ତେ ଅତୁବ୍‌ତୁବନ୍‌ ବୟନ୍‌ ବିଲେଙେଞ୍ଜି ଡ ଡର୍ରଙନେ କାବନ୍‌ ଆସିନ୍‌ରି । 35 ସାକିନ୍‌ ପେଲନ୍‌ ତିୟ୍‌ବୟନ୍‌ ପାପାଚ୍ଛାଦନ 36 ଟେବୋଲନ୍‌ ଆରି ତେତ୍ତେ ଡକୋନ୍‌ ଅଡ଼୍‌କୋନ୍‌ ଆ ଜିନିସ ଆରି ଆ ଅମଙନ୍‌ ଆରୁଟ୍ଟି; 37 ମନଙ୍‌ ପିଙ୍ଗତୋଡନ ଆଡ୍ରକ୍କୋ ଅଡ଼୍‌କୋନ୍‌ ଆସିମ୍ମା ଡ ପିଙ୍ଗତୋଡନ୍‌ ଆସିମ୍ମା ମିଞଲନ୍‌; 38 ଆରି ସୁନ୍ନାନ୍‌ ତନମ୍ପିଲନ୍‌ ଅବିସେକ ମିଞଲନ୍‌ ତରୋମୋଡନ୍‌ ଲଞିଡ୍‌ ଆଜନବ୍‌ ଡ ତମ୍ୱୁନ୍‌ ଆୟୁରୁମ୍‌ୟୁମ୍‌ ସିନ୍‌ରିନ୍‌; 39 ପିତ୍ତଡ଼ନ୍‌ ଆତନମ୍ପିଲ୍‌ ଡ ତେତ୍ତେ ପିତ୍ତଡ଼ନ୍‌ ଆଜାଲ୍ଲି, ତେତ୍ତେ ଆସୋଣ୍ତାଙ୍‌ ଡ ଅଡ଼୍‌କୋନ୍‌ ଆସିମ୍ମା ଗରିୟ୍‌ଡାସିମନ୍‌ ଆରି ଆତାଲ୍‌ଜଙ୍‌, 40 ଡୁଆରାନ୍‌ ଆଡରଙ୍‌ନେକାବ୍‌ ଡ ସୋଣ୍ତାଙନ୍‌ ଡ ଡୁଆରାନ୍‌ ଆସନଙ୍‌ ଆଡରଙ୍‌ନେକାବ୍‌, ତିଲୋଙ୍‌ ଲୁଆଡନ୍‌, ମେକନ୍‌ ଡ ସରେବା ତମ୍ୱୁସିଙନ୍‌ ଆସନ୍‌ ଅଡ଼୍‌କୋ ସିମ୍ମା; 41 ମଡ଼ିର୍ର ଡରକୋନେଲୋଙନ୍‌ ସେବାନ୍‌ ଲଞିଡ୍‌ ସିନ୍‌ରିନ୍‌ ଆରୋଣନ୍‌ ରାଓଡ଼ାନ୍‌ ମଡ଼ିର୍‌ ସିନ୍‌ରିନ୍‌ ଡ ଆ ଡାଙ୍ଗାଡାଅନଞ୍ଜି ଆ ରାଓଡ଼ା କାବ୍ବାଡ଼ାବରନ୍‌ ଆସିନ୍‌ରି, 42 ଅଙ୍ଗା ଅଙ୍ଗା ଆକାବାଡ଼ା ମସାନ୍‌ ଆଡଙ୍‌ ପ୍ରବୁନ୍‌ ଆବନାୟ୍‌ବର୍ର ତିୟେନ୍‌ ତିଆତେ ଇସ୍ରାଏଲନ୍‌ ମରଞ୍ଜି ତୁବେଞ୍ଜି । 43 କେନ୍‌ ସିଲଡ୍‌ ମସାନ୍‌ ନିୟ୍‌ ଅଡ଼୍‌କୋନ୍‌ ଆକାବାଡ଼ା ଆରି ଗିୟ୍‌ବା ଆନିଞ୍ଜି ଅଡ଼୍‌କୋନ୍‌ ତୁବେଞ୍ଜି ପ୍ରବୁନ୍‌ ଅଙ୍ଗା ଆବନାୟ୍‌ବର୍ର ତିୟେନ୍‌ ତିଲୋଙ୍‌ ମସାନ୍‌ ଆନିଞ୍ଜି ଆସିର୍ବାଦଏନ୍‌ ।