ବସଲେଲନ୍ ଡ ଅ ଅଲିଆବରନ୍ ଆ କାବ୍ବାଡ଼ା
1 ପ୍ରବୁନ୍ କେନ୍ ଆବର୍ନେ ମୋସାନ୍ଆଡଙ୍ ବର୍ରେନ୍, 2 "ଜିଉଦାନ୍ ଆକେଜ୍ଜା, ସିଲଡ୍ ଉରନ୍ ଆ ଉଲ୍ଲେଙ୍ ଉରିଅନ୍ ଆ ଡାଙ୍ଗାଡ଼ାଅନ୍ ବତ୍ସଲେନନ୍ଆଡଙ୍ ଓଡ୍ଡେଲାୟ୍, 3 ଅଡ଼୍କୋନ୍ ଆତନୁବ୍ ଆସନ୍ ବୁଡ୍ଡିନ୍, ଗନନ୍ଲୁଡନ୍, ଡ ଜନନାନ୍ ଆସନ୍ ଆନିନ୍ ସରିନ୍ ପୁରାଡ଼ାଞେନ୍ ଡକୋଏନ୍ । 4 ସୁନ୍ନାନ୍, ରୁପାନ୍, ଡ ପିତ୍ତଡ଼ନ୍ ବାତ୍ତେ ଅଡ଼୍କୋନ୍ ଆକାବାଡ଼ା ମନଙ୍ ଲନୁମନ୍ ଆସନ୍; 5 ମଣିଅରନ୍, ଡ ଅରେଙନ୍ ସେୟ୍ଲେ ମନଙ୍ ଆଲନୁମ୍ ଆସନ୍, 6 ଞେନ୍ ଦାନ୍ ଆକେଜ୍ଜାଲୋଙନ୍ ସିଲଡ୍, ଅଇସାମକନ୍ ଆ ଡାଙ୍ଗାଡ଼ାଅନ୍ ଅଅଲିୟାନ୍ଆଡଙ୍ ଆ ସର୍ସିକାବ୍ବାମରନ୍ ଆସନ୍ ଏସେଡାଲାୟ୍, ଆରି ଅଡ଼୍କୋନ୍ ଆଜନନା ମରଞ୍ଜି ଆ ଉଗ୍ଗର୍ଲୋଙନ୍ ଗିଆନନ୍ ଏତିୟ୍ଲାଜି, ତିଆତେ ଆଜିଞ୍ଜି ଅଡ଼୍କୋନ୍ ଲୁମ୍ତଜି ।