1 କେନ୍‌ ସିଲଡ୍‌ ପ୍ରବୁନ୍‌ ମସାନ୍‌ ଗାମେନ୍‌, "ଆମ୍ୱେନ୍‌ ‌ଅବ୍ରାଆମନ୍‌ ଡ ଇସାକନ୍‌ ଡ ଜାକୁବନ୍‌ ଆମଙ୍‌ଲୋଙ୍‌ ଆ ସିବ୍‍ଡେୟ୍‍ବର୍ରନ୍‌ ଅଙ୍ଗା ଆଡେସା ଆବର୍ନେ ଗାମେନ୍‌, କେଜ୍ଜାବେଞ୍ଜି କେନ୍‌ ଆଡେସା ଏତିୟ୍‌ବା, ତି ଆଡେସା ଜନିରନ୍‌ ଆସନ୍‌ ଆମ୍ୱେନ୍‌ ମିସର୍‌ ଡେସାନ୍‌ ଆ ସନେଡାମରଞ୍ଜି କେନ୍‌ ଆଡରକୋନେଲୋଙ୍‌ ଜିର୍ବା; 2 ଞେନ୍‌ ଆମ୍ମୁଙ୍‌ ଆମ୍ମୁଙ୍‌ ଅବୟ୍‌ ପାଙ୍‌ଲଙ୍‌ବର୍‌ମରନ୍‌ ଏଆପ୍ପାୟ୍‌ବା ଆରି ଞେନ୍‌ କିଣାନିଅନ୍‌, ଇମୋରିଅନ୍‌, ଇତିୟନ୍‌, ପରିସିୟନ୍‌, ଇତିଅନ୍‌ ଡ ଜିବୁସିଅନ୍‌ ମନ୍‌ରାଞ୍ଜି ଏଗଙ୍‌ବା । 3 କେନ୍‌ଆସନ୍‌ ତି ଆଡ଼ୁବ୍‌ ଡ ଆଡଙ୍‌ଡାନ୍‌ ଆପ୍ରେତେନ୍‌ ଆଡେସା ଜିର୍ବା; ବନ୍‌ଡ ଞେନ୍‌ ଆମ୍ୱେନ୍‌ ମଡ଼ିନ୍‌ ଅମ୍ମେଲେ ଏଜ୍ଜିରାୟ୍‌; ଜିରେନ୍‌ ଡେନ୍‌ ଞେନ୍‌ ନିୟ୍‌ ଆମ୍ୱେଞ୍ଜି ଏସମ୍‌ତବେନ୍‌, ଇନିଆସନ୍‌ଗାମେଣ୍ଡେନ୍‌ ଆମ୍ୱେନ୍‌ ରଡୋମର୍ରଜି ।" 4 ମନ୍‌ରାଞ୍ଜି କେନ୍‌ ଏର୍‌ମନଙ୍‌ବରନ୍‌ ଅମ୍‌ଡଙ୍‌ଲେ ୟେଏଞ୍ଜି ଆରି ଆନ୍ନିଙ୍‌ ଆ ଡଅଙ୍‌ଲୋଙଞ୍ଜି ରନ୍ନାନ୍‌ ଅଡ୍‌ରୁଲଜି । 5 ପ୍ରବୁନ୍‌ ମସାନ୍‌ ବର୍ରେନ୍‌, "ଆମ୍ୱେନ୍‌ ଇସ୍ରାଏଲ୍‌ମରଞ୍ଜି କେନ୍‌ ଆବର୍ନେ ବର୍ରବା, ଆମ୍ୱେଞ୍ଜି ରଡୋମର୍ରଞ୍ଜି; ଞେନ୍‌ ବସନ୍ନେ ଆମ୍ୱେନ୍‌ ଆଡଙ୍‌ ଏଜିର୍ତାୟ୍‌, ତିଡେନ୍‌ ଆମ୍ୱେନ୍‌ ଏସମ୍‌ତବେନ୍‌; ନମି ଆମ୍ୱେନ୍‌ ଡଅଙ୍‌ଲୋଙ୍‌ବେନ୍‌ ସିଲଡ୍‌ ସିନ୍‌ରିନ୍‌ ସବ୍‌ଙାୟ୍‌ବା, ତିଲୋଙ୍‌ ଆମ୍ୱେନ୍‌ ଆଡଙ୍‌ ପଙ୍‌ କାବ୍ବାଡ଼ାଞେନ୍‌ ଗାମ୍‌ଲେ ତିଆତେ ଜନାଲଙ୍‌ତନ୍‌ ।" 6 ସିଲତ୍ତେ ଇସ୍ରାଏଲ୍‌ମରଞ୍ଜି ଓରେବ ବରୁନ୍‌ ଆନେଙ୍‌ବାନ୍‌ ଜିରାନ୍‌ ଜିରାନ୍‌ ରମ୍ମଙ୍‌ ରମ୍ମଙ୍‌ ଅଡ଼୍‌କୋନ୍‌ ୟୁମ୍‌ଲେ ସବ୍‌ଙାଜେଞ୍ଜି ।

7 କେନ୍‌ଆଡିଡ୍‌ ଏନ୍ନେଲେ ଡକୋଏନ୍‌, ମସାନ୍‌ ଆ ତମ୍ୱୁନ୍‌ ପାଙ୍‌ଲେ ଡରକୋନେନ୍‌ ସିଲଡ୍‌ ଆନ୍ନାରେଙନ୍‌ ତମ୍ବୁସିଙନ୍‌ ତୁବେନ୍‌ ଆରି ଆନିନ୍‌ ତି ଆତମ୍ବୁସିଙନ୍‌ ଆଞୁମ୍‌ ସରେବାତମ୍ବୁସିଙ୍‌ ଅବ୍‌ଞୁମେନ୍‌ । ଅଙ୍ଗାମନ୍‌ରା ପ୍ରବୁନ୍‌ଆଡଙ୍‌ ସାୟ୍‌ତଜି ଆନିଞ୍ଜି ତି ଆ ସରେବାତମ୍ବୁସିଙ୍‌ ଇୟେତଜି । 8 ଆରି ଏନେଲେ ଡେଏନ୍‌ ଡ ମସାନ୍‌ ଡୁଙ୍‌ଲନ୍‍ ନିୟ୍‌ ତମ୍ୱୁନ୍‌ ଆମଙ୍‌ବାନ୍‌ ଜିର୍‌ଜିରିଙନ୍‌ ଅଡ଼୍‌କୋନ୍‌ ଆମନ୍‌ରା ଡୁଲନ୍‌ ରମ୍ମଙ୍‌ ରମ୍ମଙ୍‌ ତମ୍ୱୁନ୍‌ ଆଡୁଆରାଲୋଙ୍‌ ତନଞେନଞ୍ଜି, ଆରି ଅଙ୍ଗାଜାୟ୍‌ ମସାନ୍‌ ତି ତମ୍ୱୁଲୋଙନ୍‌ ଆଗ୍ରନ୍‌ଲନ୍‌, ତିଆଡିଡ୍‌ଜାୟ୍‌ ଆନିଞ୍ଜି କିନ୍‌ଡୋଙ୍‌ଗଡ୍‌ ଆଙାଙ୍‌ଲେସେଡେଞ୍ଜି । 9 ମସାନ୍‌ ତମ୍ବିସିଙ୍‌ଲୋଙନ୍‌ ଆଗରନେନ୍‌ ଆଡିଡ୍‌, ସୋଣ୍ଡାଙ୍‌ ମେଗନ୍‌ ତମ୍ବୁସିଙନ୍‌ ଆ ଡୁଆରାବା ପଲ୍ଲନାୟ୍‌; ତିସିଲଡ୍‌ ପ୍ରବୁନ୍‌ ମସାନ୍ ସରିନ୍‌ କଡାଡ଼ିଲଞ୍ଜି । 10 ତମ୍ୱୁନ୍‌ ଆଡୁଆରା ଡକୋନ୍‌ ଆମନ୍‌ରା ମେଗନ୍‌ ସୋଣ୍ତାଙନ୍‌ ଆଗ୍ରିୟ୍‌ତେନ୍‌, ଅଡ଼୍‌କୋ ମନ୍‌ରାନ୍‌ ଡୁଲନ୍‌ ତମ୍ୱୁନ୍‌ ଆଡୁଆରା ଡକୋଲନ୍‌ ଲୁମେଞ୍ଜି । 11 ମନ୍‌ରାନ୍‌ ଏଙ୍ଗାଲେ ଆସାଙ୍ଗନ୍‌ କଡାଡ଼ିତନ୍,ଏତ୍ତେଲେ ପ୍ରବୁନ୍‌ ଆମୁକ୍କା ଆମୁକା ଏମ୍ମେଲେ ମସାନ୍‌ ବାତ୍ତେ କଡାଡ଼ିଲନ୍‌; ତିଆସନ୍‌ ମସାନ୍‌ ଡର୍ରକୋନେସିଂନ୍‌ ଅମ୍‌ରେଙ୍‌ଲେ ୟର୍ରନାୟ୍‌, ବନ୍‌ଡ ନୁନନ୍‌ ଆଡାଙ୍ଗାଡ଼ାଅନ୍‌ ଜିଓସୁୟନ୍‌ ଆଞୁମର୍ର ଆଡାଙ୍ଗାଡା ସର୍ସିକାବ୍ବଡ଼ାମର୍‌ ଆନିନ୍‌ ତମ୍ୱୁସିଙ୍‌ଲୋଙନ୍‌ ସିଲଡ୍‌ ଅଃଡୁଙ୍‌ଲନ୍‌ ।

12 ମସାନ୍‌ ସଦାପ୍ରବୁନ୍ଆଡଙ୍‌ ‌ବରେନ୍‌, "ଗିୟ୍‌ବା, ଆମନ୍‌ କେନ୍‌ ଆମନ୍‌ରାଜି ଅନୋରୋଙନ୍‌ ଆସନ୍‌ ଞେନ୍‌ଆଡଙ୍‌ ବର୍ତିଁୟ୍‌, ବନ୍‌ଡ ଞେନ୍‌ ସରିନ୍‌ ଆମନ୍‌ ଆନା ଆପ୍ପାୟ୍‌ତାୟ୍‌ କେନ୍‌ଆତେ ଆମନ୍‌ ଞେନ୍‌ଆଡଙ୍‌ ଅଃନବ୍‌ ଜନାଲିଁୟ୍‌ । ଆମନ୍‌ ବର୍ରନ୍‌ ଞେନ୍‌ ଆଞୁମନ୍‌ ବାତ୍ତେ ଆମନ୍‌ଆଡଙ୍‌ ଜନା ଆରି ଆମନ୍‌ ଗନିୟ୍‌ଗିୟ୍‌ଲୋଙ୍‌ଞେନ୍‌ ଆମନ୍‌ ସନାୟୁମ୍‌ମର୍‌ ଡେଲମ୍‌ ।" 13 ମନଙ୍‌, ଞେନ୍‌ ଗନିୟ୍‌ଗିୟ୍‌ଲୋଙ୍‌ନମ୍‌ ସନାୟୁମନ୍‌ ଡେତେ, ତିଡେନ୍‌ କାକୁର୍ତିତନାୟ୍‌, ଞେନ୍‌ ଗନିୟ୍‌ଗିୟ୍‌ଲୋଙ୍‌ନମ୍‌ ସନାୟୁମନ୍‌ ଆଞନାଙ୍‌ ଆସନ୍‌ ଏଙ୍ଗାଲେ ଆମ୍ୱେନ୍‌ ଜନାଲେ ରପ୍ତିତାୟ୍‌ ତିଆସନ୍‌ ନମି ଆମ୍ୱେନ୍‌ ଞେନ୍‌ ତଙରନ୍‌ ଅବ୍‌ଜନାଇଙ୍‌; ଆରି କେନ୍‌ ଆକେଜ୍ଜାଲୋଙ୍‌ ମନ୍‌ରାଞ୍ଜି, କେନ୍‌ ଆତେ ମନ୍ନବାତ୍ତେଇୟ୍‌ମା । 14 ତିଆଡିଡ୍‌ ଆନିନ୍‌ ଗାମେନ୍‌, "ଡରକୋନେଞେନ୍‌ ଆମ୍ୱେନ୍‌ ବୟନ୍‌ ଜିର୍ରତେ, ଆରି ଆମ୍ୱେନ୍‌ ଞେନ୍‌ ଲୋଲୋନେ ତିୟ୍‌ତବେନ୍‌ ।" 15 ସିଲତ୍ତେ ଆନିନ୍‌ ବର୍ନେ, "ଡକୋନେନମ୍‌ ଞେନ୍‌ ବୟନ୍‌ ଅଃଜିର୍ରାୟ୍‌ନଙ୍‌, ତିଡେନ୍‌ କେନ୍‌ ଆଡରକୋନେଲୋଙ୍‌ ସିଲଡ୍‌ ଓରୋଙ୍‌ଡଙ୍‌ଲେନ୍‌ ।" 16 ଞେନ୍‌ ଡ ଆମ୍ୱେନ୍‌ କେନ୍‌ ଆମନ୍‌ରାଞ୍ଜି ଗନିୟ୍‌ଗିୟ୍‌ଲୋଙ୍‌ନମ୍‌ ସନାୟୁମନ୍‌ ଏଞାଙ୍‌ଲାୟ୍‌, କେନ୍‌ଆତେ ନମି ଏଙ୍ଗାଲେ ଜନାତବେନ୍‌ ? ଏଙ୍ଗାଲେ ଞେନ୍‌ ଡ ମନ୍‌ରାବେଞ୍ଜି ପୁର୍ତିନ୍‌ ଅଡ଼୍‌କୋନ୍‌ ମନ୍‌ରନ୍‌ ସିଲଡ୍‌ ସୋଡ଼ା ଡେଡେଲଙତନ୍‌, ଞେନ୍‌ ବୟନ୍‌ ତଙିୟ୍‌ନେବେନ୍‌ ବାତ୍ତେ ପଙ୍‌ ଅଃଜନାୟ୍‌ । 17 ସିଲତ୍ତେ ମୋସାନ୍‌ଆଡଙ୍‌ ପ୍ରବୁନ୍‌ ବରେନ୍‌, "କେନ୍‌ ଆବର୍ନେ ଅମଙ୍‌ବେନ୍‌ ବର୍ରତନାୟ୍‌, କେନ୍‌ ଆତେ ତୁମ୍‌ ଏତୁବ୍‍ବ୍ବା, ଇନିଆସନ୍‌ଗାମେଣ୍ଡେନ୍‌ ଗନିୟ୍‌ଗିୟ୍‌ଲୋଙ୍‌ଞେନ୍‌ ଆମ୍ୱେନ୍‌ ସନାୟୁମନ୍‌ ଏଞାଙେନ୍‌, ଆରି ଆମ୍ୱେନ୍‌ ଅଞୁମନ୍‌ ବାତ୍ତେ ଅବ୍‌ଜନାଲବେନ୍‌ ।" 18 ଆରି ଆନିନ୍‌ ବର୍ନେ, "କାକୁର୍ତିତନାୟ୍‌, ଆମନ୍‌ ଡଅଙ୍‌ଞେନ୍‌ ଗନୁଗୁନ୍‌ ଅବ୍‌ଗିୟ୍‌ତା ।"

19 ପ୍ରବୁନ୍‌ ଜାଲଙେନ୍‌, "ଞେନ୍‌ ମୁକାବାବେନ୍‌ ରମ୍ମଙ୍‌ ଅଡ଼୍‌କୋନ୍‌ ମନଙ୍‌ ଞବ୍‌ଜିର୍ରଜିର୍‌ବା, ମୁକାବାବେନ୍‌ ପ୍ରବୁନ୍‌ ଆଞୁମ୍‌ ଏଅପ୍ପୁଙ୍‌ବର୍‌ବାଜି; ଞେନ୍‌ ଆନ୍ନା ସନାୟୁମନ୍‌ ଏତିୟ୍‌ତବେନ୍, ଆନ୍ନା ସନାୟୁମନ୍‌ ତିୟ୍‌ତା ତିଆତେ ସନାୟୁମନ୍‌ ଏତିୟ୍‌ବା ।" 20 ଆନିନ୍‌ ଆରି ବର୍ନେ, "ଆମ୍ୱେନ୍‌ ମୁକାଞେନ୍‌ ଗିୟ୍‌ଲେ ଅଃର୍ରପ୍ତିଏ; ଇନିଆସନ୍‌ଗାମେଣ୍ତେନ୍‌ ମନ୍‌ରାନ୍‌ ମୁକାଲେନ୍‌ ଗିୟ୍‌ଲେ ଅନ୍ନମେଙେ ।" 21 ସଦପ୍ରବୁନ୍‌ ବର୍ନେ, "ଗିୟ୍‌ବା, ଅମଙ୍‌ଲେନ୍‌ ଅବୟ୍‌ ଡରକୋନେଲୋଙନ୍‌ ଡକୋ, ଆମ୍ୱେନ୍‌ ତି ତାଲାଜ୍‌ଲେଙ୍‌ଲୋଙନ୍‌ ତନଙ୍‌ତେ; 22 ସିଲତ୍ତେ ଅମଙ୍‌ବାବେନ୍‌ ତିୟ୍‌ଲେ ଗନୁଗୁଡିନ୍ନାଇଙ୍‌ଞେନ୍ ତାଲାଜଲେଙ୍‌ଲୋଙନ୍‌ ବେନ୍‌ ୟରୋନ୍ନେନ୍‌ ଏଡକ୍କୋବା ଡ ଜନିର୍ରଲେନ୍‌ ଆତିକି ଜାୟ୍‌ ଅସିଙ୍‌ଞେନ୍‍ ଆମ୍ୱେଞ୍ଜି ୟୁମ୍‌ଲେ ଡକୋତବେନ୍‌ । 23 ତିସିଲଡ୍‌ ରମ୍ମଙ୍‌ ଅସିଞେନ୍‌ ତବ୍‌ଲ୍ଲେ ପାଙେନ୍‌ଡେନ୍‌ ଆମ୍ୱେନ୍‌ କିଣ୍ଡୋଙ୍‌ଞେନ୍‌ ଏଗିୟ୍‌ତେ, ବନ୍‌ଡ ମୁକାଞେନ୍‌ ଅଃଗିୟ୍‌ତାଏ ।"