3 ମା ପାକେ ମିୟାଦ୍ ମେଣ୍ଡେ ବେନ୍ ଦେୟାକ୍ ଆୟ। 4 ନିମେ ନିଜର ମାଇଦିଙ୍କ୍ ବେନେଆୟି ମାଇମାନ୍ଦାନ୍ ମୃର୍ତ୍ତି ତିଆର୍ ମାଡ଼୍ମାଟ୍; କି ପରମାନ୍ଦାନ୍ ସ୍ୱର୍ଗତାଗ୍, କି ମଦଲମାନ୍ଦାନ୍ ପୃତିବିତାଗ୍, କି ପୃତିବିତେ ମଦଲ୍ ମାନ୍ଦାନ୍ ଏର୍ଦାଗ୍ ମାନ୍ଦାନ୍ ବେନବା ଜିନିଷ ନିଜେତ୍ ମକମ୍ଲେକାମ୍ ତିଆର୍ ମାଡ଼୍ମାଟ୍। 5 ନିମେ ଆୱିଙ୍କ୍ ମଡ଼କ୍ମା, କି ଆୱିନ୍ ସେବା ମାଡ଼୍ମାଟ୍; ବେଲାକି ମାମ୍ ନି ସଦାପ୍ରବୁ ପରମେଶ୍ୱର ସାରେ ଗୌରବ୍ ମାଡ଼ାନ୍ ପରମେଶ୍ୱର୍ ଆଦ୍ତମ୍, ମେଣ୍ଡେ, ବେନ ମାକିଙ୍କ୍ ପାସ୍କିତଡ଼୍, ମାମେ ଅଡ଼୍କିଙ୍କ୍ ତୃତିୟ ନୁ ଚତୁର୍ଥ ପିଲୁଡ଼୍ ଆଇନା ପିଲାକିନ୍ ପର ଆଦାନ୍ ଅପରାଦ୍ତେ ମାଡ଼ିମାନ୍ଦାନ୍ ଦଣ୍ଡ ଇଦ୍ତାନ୍; 6 ମାତର୍ ବେନ୍ ମାନାଙ୍କ୍ ପ୍ରେମ ମାଡ଼ିତଣ୍ଡ୍ ନୁ ମାମ୍ ଗଟିକିଙ୍କ୍ ମାନେମ୍ ଆଦ୍ତଣ୍ଡ୍, ମାମେ ଅଡ଼୍ ଅଜାର୍ ଅଜାର୍ ପିଲୁଡ଼୍ହେୱୁନା ଦୟାମାଡ଼ାନଣ୍ଡ୍। 7 ମିଡ଼୍ ନିଜର ସଦାପ୍ରବୁନ୍ ପରମେଶ୍ୱର ପେଦେର୍ ବୁଚାତେ ଅଦ୍ତନ୍ତ, ବେନ ଆୟି ଅନ୍ ପେଦେର୍ତିଙ୍କ୍ ବୁଚା ଆଲ୍ସିତଣ୍ଡ୍, ସଦାପ୍ରବୁ ଅକିଙ୍କ୍ ଦୋଷି ଇଞ୍ଜ କେତିତଣ୍ଡ୍। 8 ରମାନ୍ ଦିନ୍ ପବିତ୍ର ଲେକାମ୍ ପାଲନ୍ ମାଡ଼ାନଙ୍କ୍ ଏର୍କେ ମାଡ଼ାଟ୍। 9 ଆରୁ ଦିନାତ୍ ତିପାଲ୍ ନୁ ନିଜେତ୍ ସାରେ ପାଡ଼ିୟ୍ ମାଡ଼ିତିଡ଼୍; 10 ମାତର୍ ସାତ୍ ଦିନ୍ ମିଇ ସଦାପ୍ରବୁନ୍ ପରମେଶ୍ୱରଦେ ରମାନ୍ ଦିନ୍ ଆଦ୍ତେ; ଆଗେଙ୍କ୍ ମିଡ଼୍, କି ମିଇ ମାର୍, କି ମିଇ ମାୟାଡ଼୍, ମିଇ ଦାସ, କି ଦାସି, ମିଇ ଜିୱାକ୍, କି ମିଇ ନଗର୍ଗାରେତ୍ ପ୍ରବାସି ବିଦେଶି, ବେନ୍ ବାତେଆୟି କାମ୍ ମାଡ଼୍ମାଟ୍। 11 ବାତେଙ୍କ୍ଇତ୍କେ ସଦାପ୍ରବୁ ମାବ୍ମୟଲ୍ ନୁ ପୃତିବି ନୁ ସମୁଦ୍ର ନୁ ଆଗେ ମାନ୍ଦାନ୍ ସାରେ ଜିନିଷ୍ ଆରୁଦିନାନେ ତିଆର୍ ମାଡ଼ି ସାତ୍ ଦିନ୍ତେ ରମ୍ତଣ୍ଡ୍; ଇଦିନ୍ମାଇଦିଙ୍କ୍ ସଦାପ୍ରବୁ ରମାନ୍ ଦିନେତିଙ୍କ୍ ଆଶିର୍ବାଦ୍ ମାଡ଼ି ପବିତ୍ର ମାଡ଼ିମିନ୍ଦେଣ୍ଡ୍।
12 ନିମେ ନିଜର ବାବାଙ୍କ୍ ନୁ ନିଜର ୟାୟଙ୍କ୍ ସମ୍ମାନ୍ ମାଡ଼ିତିନ୍; ଆସୁଙ୍କ୍ ମିଇ ସଦାପ୍ରବୁ ପରମେଶ୍ୱର ନିକିଙ୍କ୍ ବେନ୍ ଦେଶ ଇଦ୍ତଣ୍ଡ୍, ଆଦ୍ ଦେଶ୍ତାଗ୍ ନିୟାଦ୍ ନାର୍ଗେ ଗେଲ୍ସାନାଦ୍ ଆଦ୍ ତଅତେ।
13 ମିଡ଼୍ ନାରୁଡ଼୍କିଙ୍କ୍ ଆୱୁକ୍ମାଟ୍।
14 ମିଡ଼୍ ବ୍ୟବିଚାର୍ ମାଡ଼୍ମାଟ୍।
15 ମିଡ଼୍ ଡ଼ଙ୍ଗ୍ମାଟ୍।
16 ମିଡ଼୍ ନିଜର ପରିବାରତେ ନାରୁଡ଼୍ ବିରୁଦ୍ଦ୍ତେ ମିଚ୍ ସାକ୍ଷ୍ୟ ଇମାଟ୍।
17 ମିଡ଼୍ ନିଜର ଗାରେତଡ଼୍ ଲତ୍ତାଗ୍ ଆଶେ ମାଡ଼୍ମାଟ୍, ମିଡ଼୍ ୱେରେତଡ଼୍ ମୁତେଙ୍କ୍, କି ଦାସି, କି ଅନ୍ ଗଡ୍କିଙ୍କ୍, କି ଗଦ, କି ମିଇ ଗାରେତଡ଼୍ ବାତେଆୟି ଜିନିଷ୍ତିଙ୍କ୍ ଆଶେ ମାଡ଼୍ମାଟ୍।
/images/a/6c03efee-c76a-4ab8-fe2e-555683f90900)
/images/a/9ec55bb8-7dc5-47b9-c32a-98aea1c00300)