11 ଆସୁଟ୍‌ ମୋଶାଲ୍‌ ନିଜର ସଦାପ୍ରବୁ ପରମେଶ୍ୱରଦିଙ୍କ୍‌ ଅନୁରଦ୍ ମାଡ଼ି କେତ୍‌ତଣ୍ଡ୍‌, ହୋ ସଦାପ୍ରବୁ, ନିମେ ନିଜର ବେନ୍‌ ନାରୁଡ଼୍‌କିଙ୍କ୍‌ ନିଜର ବାଡ଼ିୟ୍‌ପରାକ୍ରମ୍‌ ନୁ କାଇଦେ ବପୁତେ ମିସର୍ ଦେଶକନ୍‌ ପେସ୍ପିତାତି, ଅଡ଼୍ ସାରେପାକା ନି କପାମ୍‌ ବାତେଙ୍କ୍‌ ନିଡ଼୍‌ତିତ୍‌ ? 12 ଆ ମେଟେତ୍‌ ଅଞ୍ଚଲ୍‌ତେ ଅଡ଼୍‌କିଙ୍କ୍‌ ନଷ୍ଟମାଡ଼ି ପୃତିବିତିଙ୍କ୍‌ ନଷ୍ଟ ମାଡ଼୍‌ନ୍‌ମାଇଦିଙ୍କ୍‌, ଦଂସତ୍‌ମାଇଦିଙ୍କ୍‌ ପେସ୍ପିତାତ୍‌ତଡ଼୍‌, ଇସତ୍‌ ଗଟ୍‌ ମିସ୍ରିୟଡ଼୍‌ ବାତେଙ୍କ୍‌ ୱେର୍‌ସଡ଼୍‌ ମାଡ଼୍‌ତଡ଼୍‌ ? ନିମେ ନିଜର ପିନା କପାମ୍‌କନ୍‌ ପେୟ୍‌ମ୍‌ ନୁ ନିଜର ନାରୁଡ଼୍‌ଆଗାଙ୍କ୍‌ ସାରେପାକ୍‌ ଇସାରେ ନମ୍ର ବିଷୟ୍‌କନ୍‌ ୱିଡ଼୍‌ସିମ୍‌। 13 ନି ଦାସ ଅବ୍ରାହାମ୍‌, ଇସ୍‌ହାକ ନୁ ଇସ୍ରାଏଲିଡ଼୍‌କିଙ୍କ୍‌ ଏର୍ରକେମାଡ଼୍‌, ନିମେ ନି ନିଜ ପେର୍ଦେତେ ପ୍ରମାଣ ମାଡ଼୍‌ ଅଡ଼୍‌କିଙ୍କ୍‌ କେତ୍‌ତୁତି, ମାମ୍‌ ମାବ୍‌ତେ ଉକାକ୍‌ ଲେକାମ୍‌ ମିଇ ପିଲୁଡ଼୍‌ ପେର୍‌ସ୍ପିକାଡ଼୍‌ ନୁ ଇ ବେନ୍‌ସାରେ ଦେଶତିଙ୍କ୍‌ ଗଟ୍‌ କେତ୍‌ତମ୍‌, ଆଦ୍‌ ନି ପିଲୁଡ଼୍‌ତିଙ୍କ୍‌ ଇଦିକାଡ଼୍, ଅଡ଼୍‌ ତେର୍‌ୱକାଲାମ୍‌ ହେୱୁନା ଆଦ୍‌ ଅଦିକାର୍‌ ମାଡ଼୍‌ତଡ଼୍‌। 14 ଆସୁଙ୍କ୍‌ ସଦାପ୍ରବୁ ନିଜର ନାରୁଡ଼୍‌ ପର ବେନ୍‌ ଦଂସ ମାଡ଼ାନ୍‌ ମାଇଦିଙ୍କ୍‌ ଗଟ୍‌କେସ୍‌ ମାତ୍‌ତଡ଼୍‌, ଆଗାକନ୍‌ ଜେକେ ଆତ୍‌ତଣ୍ଡ୍‌।