Yohana 20

Yesu komlawila Malia wa Magidala

11 Malia wa Magidalakakala kema hanze ya panga, yolila. Kuno yang’hali yolila kainama na kusungulila mdipanga 12 kawaona watumigwa wa kwa Mulungu waidi, wavalile vivalo vizelu, wakala haja hautambalazigwe lukuli lwa Yesu, imwe mditwi na wa kaidi hamagulu.

13 Nao watumigwa wa kwa Mulungu wamuuza Malia, "Mama choni chuulilila?" Nayo kawalongela, "Wausegeza mtufi wa Mndewa wangu, na simanyile kuwamwikile!"

14 Viyakomeleze kulonga gago, kahinduka hachisogo kamuona Yesu kema, mbali hammanyile kua iyo Yesu. 15 Yesu kamuuza, "Mama, kolilila choni? Komzambwila nani?" Malia katonga kua iyo ni mwamizi wa konde, kamlongela, "Go mkulu, kama gweye umsegeze, basi nilongele kuuwikile na niye nikausole."

16 Yesu kamlongela, "Maliam!" Nayo Malia kamhindukila Yesu na kamlongela kwa chiebulania, "Labboni!" Manake "Mfundaji."

17 Yesu kamlongela, "Seke unyamhe, ning’hali sinaita kwa Tata. Mbali genda kwa walukolo wangu ukawalongele, noita uchanha kwa Tati yangu na Tati yenu, na Mulungu wangu na Mulungu wenu."

18 Baho Maliam kulawa Magidala kaita kwa waluko wa Yesu na kawalongela, "Nimuona Mndewa," na kua Yesu kakala yamlongele ivo.