João 3

3 Yesu kedika kamlongela, "Nokulongela kweli, munhu hadaha kuwona Ufaume wa Mulungu mbaka yavumbuke mala ya kaidi."

4 Nikodemu kamuuza, "Yodahikaze munhu mvele kuvumbuka mala ya kaidi? Kodahaze kwingila muiinda ya mami yake na kuvumbuka kaidi!"

5 Yesu kamlongela, "Nokulongela kweli, munhu kama havumbuke kubitila mazi na muhe wa Mulungu hadaha mbe kwingila Muufaume wa Mulungu. 6 Munhu kovumbuka kilukuli kubitila tata na mami yake, na munhu kovumbuka kimuhe kubitila muhe wa Mulungu. 7 Ivo sekeukanganye vinikulongela kolondeka uvumbuke mala ya kaidi. 8 Mbeho yobuma hohose haulonda, Mbuhmo wake kouhulika vuubuma, mbali hudaha kuumanya kuulawa hebu kuuita. Ivo ivo ili kwa munhu yavumbuke kwa Muhe wa Mulungu."